Search Results

გთავაზობთ დაანონსებულ წიგნებს, ტვინების ბრძოლის საქალაქო ჩემპიონატისთვის, რომელიც 26 ნოემბერს გაიმართება. სტატიაში მოცემულია წიგნები ასაკობრივი კატეგორიების მიხედვით. წიგნებს დართული აქვს PDF ვერსია შეგახსენებთ "ტვინების ბრძოლის" თამაშებზე 2 შეკითხვა სწორედ დაანონსებული წიგნის თემატიკიდან გაჟღერდება U5 ასაკობრივი კატეგორია: 3, 4, 5 კლასი ნოდარ დუმბაძე - მე, ბებია, ილიკო და ილარიონი ობოლი სოფლელი ბიჭი ზურიკელა ოლღა ბებიის და მეზობლების, ილიკოსა და ილარიონის გარემოცვაში იზრდება. ილიკო და ილარიონი იუმორით სავსე ადამიანები არიან, ერთმანეთთან საოცრად თბილი ურთიერთობა აქვთ და ამავე დროს სულ კამათობენ. ზურიკელას უყვარდება თანაკლასელი გოგონა მერი, წერს პირველ ლექსს, აბარებს მისაღებ გამოცდებს. იგი უმაღლესის დამთავრების შემდეგ კვლავ სოფელს უბრუნდება და მზადაა, სიკეთის მარცვალი ჩააგდოს ცხოვრების საკუთარ ხნულში. გადმოწერე: U8 ასაკობრივი გატეგორია: 6,7,8 კლასი ილია ჭავჭავაძე - კაცია ადამიანი?! კაცია-ადამიანი?! — ქართველი მწერლის ილია ჭავჭავაძისსატირულიმოთხრობათავადლუარსაბ თათქარიძესა და მის ოჯახზე, რომელშიც გაშუქებულია მარადიული პრობლემა ადამიანის ცხოვრების არსისა. ერთი გამოგონილი პერსონაჟის მაგალითზე გაკრიტიკებულია ადამიანის ბიოლოგიური არსებობა. მოთხრობაში, ასევე, გაკრიტიკებული არიან იმდროინდელი ქართველები, როგორც თავად-აზნაურობა, ასევე გლეხები და მათი ზოგიერთი ჩვეულება. გადმოწერე: U12 ასაკობრივი გატეგორია: 9,10,11, 12 კლასი გურამ დოჩანაშვილი - კაცი რომელსაც ლიტერატურა ძლიერ უყვარდა გურამ დოჩანაშვილის ნაწარმოები „კაცი, რომელსაც ლიტერატურა ძლიერ უყვარდა“, ვეჭვობ, ის ნაწარმოებია, რომელიც არასოდეს დაგავიწყდებათ. ვფიქრობ, ის გულგრილს ვერც ერთ მკითხველს ვერ დატოვებს. ნაწარმოები საინტერესოა, რადგან ის ჩადებულ სიბრძნესთან ერთად გაჯერებულია ირონიითა და სარკაზმით. ეს ყველაფერი კი მოთხრობას დამატებით ელფერს სძენს და უსაზღვრო ემოციას აღძრავს მკითხველში. აღსანიშნავია, რომ იუმორი ნორმის ფარგლებში გვხვდება, ხოლო თხრობა დაახლოებით ისევე მიმდინარეობს, როგორც ვასიკო კეჟერაძე ფიქრობს კარცერ-ლუქსებში მყოფი ხალხისთვის პროგრამის შედგენას. ნაწარმოები იწყება შედარებით მსუბუქად და ხშირად ვაწყდებით იუმორს, თუმცა სიუჟეტი თანდათან მეტად სერიოზულ სახეს იღებს და მთავარი სათქმელიც სწორედ მანდაა გაცხადებული გადმოწერე:

NASA-მ და კომპანია Axiom Space Inc.-მა წარმოადგინეს სკაფანდრები, რომლებიც მთვარეზე ეცმევათ შემდეგი თაობის ასტრონავტებს. სკაფანდრები, სახელად AxEMU, რომლებსაც არტემისის მისიის ასტრონავტები ჩაიცვამენ, ჯონსონის კოსმოსურ ცენტრში გამართულ ღონისძიებაზე მხოლოდ ნაწილობრივ გვაჩვენეს, რათა არ გასცენ რაიმე დაპატენტებული ინფორმაცია სკაფანდრის შესახებ. „გამომდინარე იქიდან, რომ მთვარის სკაფანდრები თეთრი უნდა იყოს, რათა სითბო აირეკლოს და ასტრონავტები უკიდურესად მაღალი ტემპერატურისგან დაიცვას, სკაფანდრის ზედა ფენა ამჟამად მხოლოდ საჩვენებელ მიზანს ემსახურება და ფარავს მის დაპატენტებულ დიზაინს“, — წერს Axiom Space განცხადებაში. თუმცა, რაც ვნახეთ, სკაფანდრი აშკარად გაუმჯობესებულია ფუნქციონალურობისა და წარმადობის თვალსაზრისით, ვიდრე აპოლოს მისიების სკაფანდრები იყო ან ამჟამად არის საერთაშორისო კოსმოსურ სადგურზე მყოფ ასტრონავტთა ის სკაფანდრები, რომლებსაც ისინი ღია კოსმოსში გასვლისას იყენებენ. „უკვე 40 წელიწადია, ახალი სკაფანდრი არ გვქონია, კოსმოსური შატლის პროგრამისთვის შექმნილის შემდეგ“, — აღნიშნა NASA-ს ჯონსონის კოსმოსური ცენტრის დირექტორმა ვანესა ვიშმა. მისი განცხადებით, Axiom Space-ი მონაცემებით და კვლევებით NASA-მ უზრუნველყო, რის შედეგადაც, სკაფანდრი უფრო ფუნქციონალური გამოვიდა. ახალი სკაფანდრის პროტოტიპი Axiom Space-ის ინჟინერს, ჯიმ სტაინს ეცვა, რომელიც დადიოდა, აკეთებდა ჩაჯდომებსა და სხვადასხვა მანევრს და წარმოაჩენდა, რამდენად მოქნილია სკაფანდრი. „აპოლოს სკაფანდრებთან შედარებით, გაუმჯობესება უზარმაზარია. არტემისის ასტრონავტები უფრო კომფორტულად იქნებიან და ადვილად შეეძლებათ მანევრირება, მაგალითად, მარტივად დაიხრებიან და აიღებენ ქანებს“, — ამბობს კომპანიის ერთ-ერთი ხელმძღვანელი რასელ რალსტონი. NASA-ს განცხადებით, სკაფანდრი ეფუძნება სააგენტოს სკაფანდრის პროტოტიპებს და აერთიანებს უახლეს ტექნოლოგიებს, მეტ მობილობას, უკეთეს დაცვას მთვარეზე არსებული რადიაციისგან. არტემისის პროგრამის ფარგლებში, მთვარეზე გაემგზავრება პირველი ქალი და პირველი ფერადკანიანი ასტრონავტი. გეგმის მიხედვით, მისია არტემის III მთვარის სამხრეთ პოლუსზე 2025 წელს უნდა დაეშვას. წყარო:1tvმეცნიერება მომზადებულია Universe Today-ს მიხედვით. ავტორი - მიხეილ ჭაბუკაშვილი

ინდოეთის კოსმოსის კვლევის ორგანიზაციამ (ISRO) მთვარეზე მისია ჩანდრაიან-3 დასვა. მისიაში შედის სტატიკური ხომალდი და მავალი, რომლებიც წარმატებით დაეშვნენ მთვარის სამხრეთ პოლარულ რეგიონში. ერთი ორბიტერი მთვარის ორბიტაზე დარჩა და მოძრაობას იქ გააგრძელებს. ინდოეთი მსოფლიოში მეოთხე ქვეყანა გახდა, რომელმაც მთვარეზე მუშა მავალი დასვა; ამ დროისათვის, ეს მხოლოდ საბჭოთა კავშირმა, აშშ-მა და ჩინეთმა შეძლეს. როგორც სახელიც მიუთითებს, ის ინდოეთის მთვარის კვლევების პროგრამის მესამე მისიაა. ჩანდრაიანის წინა ორ ხომალდს რამდენიმე პრობლემა შეექმნა. აღსანიშნავია, რომ მთვარის ამ რეგიონში ცდილობდა ხომალდის დასმას რუსეთიც. მისიამ კრახი განიცადა, აპარატი მთვარის ზედაპირს შეასკდა და განადგურდა. სტატიკურ ხომალდს ოთხი ძირითადი სამეცნიერო ინსტრუმენტი აქვს, მათ შორი არის თერმული და ატმოსფერული ინსტრუმენტები, ასევე ლაზერული რეტრორეფლექტორის ნაკრები. ეს რეფლექტორები დედამიწიდან მთვარემდე მანძილს მაღალი სიზუსტით ზომავს. ეს ხომალდი ასევე გაზომავს მთვარის სეისმურ ბიძგებს, სუსტ სეისმურ აქტივობას, რომელიც მთვარეზე თვეებში ერთხელ ხდება. სიჩქარე, რომლითაც მთვარეზე სეისმური ტალღები ვრცელდება, შეიძლება გამოვიყენოთ მისი სიმკვრივის დასადგენად; მეცნიერებს იმედი აქვთ, რომ უფრო ზუსტად გამოთვლიან მთვარის ქერქის სიღრმეს. სამეცნიერო ინსტრუმენტთა პაკეტს შეიცავს ექვსთვლიანი მავალიც, სახელად „პრაგიანი“, რომელიც სტატიკურ ხომალდშია მოთავსებული და იქიდან გადმოგორდება. მისი მთავარი მიზანი მთვარის ზედაპირის შემადგენლობის გარკვევაა, რისთვისაც ის რენტგენულ სპექტრომეტრიას გამოიყენებს. მისია მთვრისკენ 2023 წლის 14 ივლისს გაუშვეს და 75 მილიონი აშშ დოლარი დაჯდა, რაც საკმაოდ დაბალი ბიუჯეტია. შედარებისათვის — დაახლოებით ამდენივე ჯდება SpaceX-ის რაკეტა Falcon 9-ის გაშვება. NASA-ს ბოლო მისია „არტემისის“ ბიუჯეტი 800 მილიონი დოლარია. უნდა აღინიშნოს, რომ ინდოეთის წინა მისიის, ჩანდრაიან-2-ის ორბიტერი დღემდე მუშაობს მთვარის გარშემო ორბიტაზე. წყარო: 1tvმეცნიერება ავტორი - მიხეილ ჭაბუკაშვილი

მომავალში, ერთ მშვენიერ დღეს, ავად ყოფნისას მედიკამენტების გადაყლაპვის ნაცვლად, შეიძლება სიცოცხლის ხელოვნური ფორმა გადაყლაპოთ, რომელიც სხეულში თავის საქმით დაკავდება, დაავადებას გააანალიზებს ან სრულიად მოსპობს. ეს ყველაფერი თითქოს სამეცნიერო ფანტასტიკის ფილმს ჰგავს, მაგრამ სამხრეთ დანიისა და აშშ-ის კენტის სახელმწიფო უნივერსიტეტების მკვლევრები დეტალურად აღწერენ, როგორ შეიძლება სპეციალურად შექმნილი, დნმ-ისა და ცილის ჰიბრიდული მოლეკულები თანდათან იქცეს ამ ხელოვნური სიცოცხლის ფორმების ბაზისად. იდეა იმაში მდგომარეობს, რომ ინჟინერიით გამოყვანილ ციცქნა ბიორობოტები შეიძლება ისე დაიშიფროს, რომ მიზანში ამოიღონ ჯანმრთელობის კონკრეტული პრობლემები, იქნება ეს კონკრეტული სახის პრეპარატების მიწოდება თუ იმუნური სისტემის მოპასუხე გარკვეული უჯრედების სტიმულირება. „ბუნებაში, უმეტეს ორგანიზმს ბუნებრივი მტრები ჰყავს, მაგრამ ზოგს არა. მაგალითად, დაავადების გამომწვევ ზოგიერთ ვირუსს ბუნებრივი მტერი არ ჰყავს. ლოგიკური ნაბიჯი იქნებოდა, სიცოცხლის ხელოვნური ფორმის შექმნა, რომელიც მათი მტერი გახდებოდა“, — ამბობს სამხრეთ დანიის უნივერსიტეტის ბიოტექნოლოგი ჩენგუანგ ლუ. მკვლევრები ამ ხელოვნური „მოკავშირეების“ შექმნას ინჟინერიული ვირუსების, ბაქტერიებისა და უჯრედების სახით განიხილავენ. სიცოცხლის ამ ხელოვნურ ფორმებამდე ჯერ გარკვეული დრო გვაშორებს, მაგრამ წარსულში მკვლევრებმა შექმნეს ე. წ. პეპტიდ-დნმ-ის კავშირი: მოლეკულა, რომელიც აერთიანებს დნმ-ს და პეპტიდებს (ამინომჟავების ჯაჭვი, რომელიც ცილებს წარმოქმნის). დნმ მოლეკულის კოდირების გზის ზუსტ კონტროლს გვთავაზობს, მაგრამ შეზღუდულია იმ რეაქციების თვალსაზრისით, რომელთა ხელშეწყობაც მას შეუძლია; ხოლო პეპტიდები უზრუნველყოფენ მათი ქიმიური გარემოს მანიპულირების მრავალფეროვნებას. როგორც მკვლევართა ჯგუფი აცხადებს, სიცოცხლის ხელოვნური ფორმის შექმნის გარდა, ჰიბრიდული მოლეკულების გამოყენება მეცნიერებს ასევე შეუძლიათ ვირუსული ვაქცინების ბაზისად, რაც ინფექციასთან ბრძოლის ინდივიდუალურ გზას გვთავაზობს. „ხელოვნური ვირუსული ვაქცინა შეიძლება დაახლოებით 10 წელიწადში გამოჩნდეს. თუმცა, იმ ცოდნით, რაც გვაქვს, მომავალში ხელოვნური უჯრედული ორგანიზმების შექმნაც უნდა იყოს შესაძლებელი“, — ამბობს ლუ. მეცნიერები სულ უფრო აუმჯობესებენ დნმ-ის რედაქტირების მეთოდებს და ამავე დროს, პროგრესი აქვთ მათი და პეპტიდების კომბინირებაში, რათა შექმნან ნანოსტრუქტურები, რომლებსაც მაგალითად, კიბოს მკურნალობაში გამოიყენებენ. ასეთი ჰიბრიდი მოლეკულები მეცნიერებმა უკვე გამოიყენეს ნანომანქანების შესაქმნელად, რომლებსაც უჯრედის მემბრანაში არხების გახსნა შეუძლიათ. ამის გამოყენება ასევე შესაძლებელია იმუნური სისტემის მიზანმიმართული რეაგირებისთვის, ანდაც ორგანიზმში მიმდინარე რაიმე პროცესის დიაგნოსტიკისთვის. ამ მიმართულებით კვლევები ჯერ ძალიან ადრეულ ეტაპზეა, რადგან თავად ეს დარგი სულ რაღაც გასულ ათწლეულში გამოჩნდა, მაგრამ ფაქტი, რომ შეგიძლია შექმნა ინჟინერიული მოლეკულები, რომლებიც ძლიერ მორგებადი და ძალიან ზუსტად კონტროლირებადია, შესაძლებლობათა სრულიად ახალ სამყაროს ხსნის. წყარო:1tvმეცნიერება კვლევა Cell Reports Physical Science-ში გამოქვეყნდა. მომზადებულია sdu.dk-სა და ScienceAlert-ის მიხედვით. ავტორი - მიხეილ ჭაბუკაშვილი

ალბათ წარმოგიდგენიათ, რამდენად რთულია გახსნა 2000 წლის წინ ვულკან ვეზუვის მიერ ამოფრქვეული ფერფლის მიწაყრილების ქვეშ მოყოლილი პაპირუსის გრაგნილი, რომ აღარაფერი ვთქვათ მის წაკითხვაზე. თუმცა, ხელოვნურმა ინტელექტმა მშვენიერ გზას მიაგნო. მარტში, კენტუკის უნივერსიტეტის მეცნიერებმა კონკურს Vesuvius Challenge გაუშვეს, რომლის ფარგლებშიც გამოაქვეყნეს დანახშირებული ჰერკულანუმის გრაგნილების რენტგენული ფოტოები და ხელოვნური ინტელექტის გაუწვრთნელი პროგრამული უზრუნველყოფა, რომელიც შეიძლება მათ გაშიფვრაში ყოფილიყო გამოსადეგი. ორმა სტუდენტმა ამ საქმეში უკვე მიაღწია წარმატებას: ნებრასკა-ლინკოლნის უნივერსიტეტის კომპიუტერულ მეცნიერებათა სტუდენტმა ლიუკ ფარიტორმა და ბერლინის თავისუფალი უნივერსიტეტის ბიორობოტიკის სტუდენტმა იოსეფ ნადერმა. ფარიოტმა და ნადერმა ერთმანეთისგან დამოუკიდებლად გამოავლინეს სიტყვა „πορϕυρας“ (პორფირასი), რაც „მეწამულს“ ნიშნავს და რომელიც ხელოვნური ინტელექტის ამ პროგრამული უზრუნველყოფის მიერ გაშიფრული პირველი სიტყვა გახდა. ძველ რომში, მეწამული მნიშვნელოვან ფერს წარმოადგენდა და ხშირად, სიმდიდრესა და სტატუსს განასახიერებდა. მეცნიერთა აზრით, ეს სიტყვა შეიძლება მიესადაგებოდეს სამოსს ან წოდებას, მაგრამ დაზუსტებით გასარკვევად, დამატებითი ანალიზებია საჭირო. ფარიოტმა მანქანური დასწავლის მოდელი გაწვრთნა აგვისტოში გრაგნილზე აღმოჩენილ ერთ წარწერაზე, რომელსაც მელნის კვალი ემჩნეოდა. ხელოვნურმა ინტელექტმა მელნის კიდევ უფრო მეტი კვალი აღმოაჩინა და შესაბამისად, უკეთესად გაშიფვრაც შეძლო. საბოლოოდ, გამოჩნდა სიტყვა „პორფირასი“. მანქანური დასწავლის მიდგომა გამოიყენა ნადერმაც, მაგრამ გაწვრთნა სურათების იმ ფორმებზე, რომლებიც დაახლოებით ასოებს ჰგავდა. ამ შემთხვევაშიც გამოიკვეთა სიტყვა „პორფირასი“ და სხვა ასოები მის გარშემო. საკმარისი საწვრთნელი მონაცემებით, ხელოვნური ინტელექტის ინჟინრებს რენტგენულ სურათებში ტექსტურის ოდნავი ცვალებადობის შემჩნევაც კი შეუძლიათ. ასე გამოჩნდა ადამიანის თვალისთვის შეუმჩნეველი მელნის კვალი. მკვლევრებს იმედი აქვთ, რომ მალე უფრო მეტ სიტყვას ამოიკითხავენ. კონკურს Vesuvius Challenge-ის მთავარი პრიზი 700 000 დოლარია და გადაეცემა მონაწილეს, რომელიც რომელიმე გრაგნილში ოთხ ან მეტ პასაჟს ამოიკითხავს. თუ გსურთ, რომ ეს თქვენც შეგიძლიათ, შეგიძლიათ, ბედი სცადოთ. ვულკანი ვეზუვი ახ. წ. აღ.-ის 79 წელს ამოიფრქვა და გრაგნილები მისი ფერფლის ქვეშ საუკუნეების განმავლობაში იყო მოქცეული; ისინი მე-18 საუკუნეში აღმოაჩინეს ერთ-ერთი მდიდრული ვილის ნაშთებში. ეს ვილა სავარაუდოდ ეკუთვნოდა იულიუს კეისრის სიმამრს, ლუციუს კალპურნიუს პისო ცეზონიუსს. სამწუხაროდ, ჩვენამდე მხოლოდ ძალიან ცოტა ასეთმა ტექსტმა მოაღწია. თუკი ამ გრაგნილების გახსნის გარეშე წაკითხვას შევძლებთ (გახსნისას ისინი შეიძლება დაიშალოს და უბრალოდ მტვრად იქცეს), შეიძლება ფასდაუდებელი ინფორმაცია მივიღოთ პირველი საუკუნის რომაელთა ცხოვრების შესახებ. წყარო:1tvმეცნიერება მომზადებულია ScienceAlert-ის მიხედვით. ავტორი - მიხეილ ჭაბუკაშვილი

ინტელექტ-ფესტივალი, იგივე "ტვინების ბრძოლის ბანაკი",არის ტრადიციად ქცეული ღონისძიება რომელიც 2014 წლიდან ყოველწლიურად ტარდება - გაზაფხულის და შემოდგომის სეზონის დასრულების შემდეგ. აქ ძირითადად იკრიბებიან წიგნის, ინტელექტუალური შეჯიბრებების და ნოვატორული იდეების მოყვარული მოსწავლეები საქართველოს ყველა კუთხიდან. გაინტერესებს, რატომ არის ტვინების ბრძოლის ბანაკი საუკეთესო არჩევანი საზაფხულო არდადეგების ერთი კვირის გასატარებლად? იმიტომ, რომ ამ ბანაკში იდეალურადაა შერწყმული რეკრეაცია, თანამედროვე ტექნოლოგიები და არაფორმალური განათლება. ბანაკში ყოველი დღე დაუვიწყარ შთაბეჭდილებებსა და სასარგებლო გამოცდილებას გპირდება. თითოეული საათი საინტერესო აქტივობებისგან შედგება, რომელთა შესახებ დღის დასაწყისში შეიტყობ. აქტივობათა ნაწილი შენთვის კარგადაა ნაცნობი, ნაწილი კი - სრულად ინოვაციურია. დაესწრები რობოტიკის გაკვეთილებს, ჩაერთვები გუნდურ ღონისძიებებში, ითამაშებ ინტელექტუალურ თამაშებს, შეხვდები საინტერესო სტუმრებს, და მონაწილეობას მიიღებ სპორტულ ჩემპიონატებში. თანმიმდევრულმა გრაფიკმა არ შეგაშინოს - ყოველთვის შეგიძლია, გამოიჩინო ინიციატივა და შემოგვთავაზო, რისი გაკეთება გსურს. თითოეულ ჯგუფს მეგობრული და გამოცდილი ლიდერი ეყოლება; ჩვენი ლიდერების გუნდი კი ყველაფერს გააკეთებს იმისთვის, რომ შენი ინიციატივა სისრულეში მოვიყვანოთ. ჩვენი გუნდი განსაკუთრებით ზრუნავს ბანაკის შემეცნებით-გასართობ მხარეზე და მოსწავლეების ინტეგრირებაზე საერთო ინტერესების მქონე, ინტელექტუალ თანატოლებთან. ყოველდღე იმართება ტვინების ბრძოლის, ბრეინშტორმისა და სხვა ინტელექტუალური თამაშების ჩემპიონატები, ეწყობა კინოჩვენება და ლიტერატურული განხილვები, ტარდება მასტერკლასები სხვადასხვა თემატიკაზე. "ტვინების ბრძოლის" ინტელექტუალური ფესტივალის ფარგლებში, ჩვენი გუნდი სრულ პასუხისმგებლობას იღებს როგორც ბავშვების უსაფრთხოებასა და ჯანსაღ პირობებში ცხოვრებაზე, ისე ფესტივალის შემეცნებით-გასართობ მხარეზე. მომსახურება მოიცავს: განთავსება ქუთაისის საერთაშორისო უნივერსიტეტის (KIU) კამპუსებში; სამჯერადი კვება; რობოტექნიკის ტრენინგებს (3D მოდელირება); წიგნების, მხატვრული ლიტერატურის, ჯგუფური განხილვა; მოწვეული სტუმრები - მასტერკლასები წარმატებული საზოგადო მოღვაწეებისგან; კულტურული, მუსიკალური, ქორეოგრაფიული და იუმორისტული ღონისძიებები; სხვადასხვა სახეობის სპორტული ჩემპიონატები; „ტვინების ბრძოლა“ - 4 თამაშიანი ჩემპიონატი; “ბრეინშტორმი” - ინდივიდუალური ინტელექტუალური თამაშის ჩემპიონატი; ტრენინგი თემებზე: “ლიდერობა”, “დებატების ხელოვნება და საჯარო გამოსვლა”, “პროფესიის არჩევა და კარიერის დაგეგმვა”; გასვლითი ექსპდიცია; ექიმი, სამედიცინო შემოწმება, ჯამრთელობის მონიტორინგი. რას შეგმატებს ეს ბანაკი? ჩამოგიყალიბებს და განგივითარებს მნიშვნელოვან ცხოვრებისეულ უნარ-ჩვევებს. შეგძენს ცოდნასა და გამოცდილებას სხვადასხვა სფეროში, მათ შორის, თანამედროვე ტექნოლოგიებში. დაგეხმარება, უკეთ შეისწავლო საკუთარი ინტერესები და შეაფასო შესაძლებლობები, შედეგად, უფრო ნაყოფიერად დაგეგმო შენი მომავალი. განგივითარებს ტვინების ბრძოლის ტიპის ინტელექტუალური თამაშებისთვის საჭირო უნარებსა და თვისებებს. რაც მთავარია, შეგძენს დაუვიწყარ მოგონებებს, ახალ მეგობრებსა და საერთო ინტერესების მქონე თანატოლების წრეს! რეგისტრაციისთვის დააჭირეთ საზაფხულო ბანაკის დაფინანსებას ყველა ტვინების ბრძოლის მონაწილე ფლობს! დაგვიკავშირდი, გაიგე და გამოიყენე კუთვნილი დაფინანსება, რომელიც შენი აქტიურობის შედეგად გერიცხება!

ტვინების ჭადრაკის ფინალური, შეხვედრა რეალურ გარემოში თბილისსა და ქუთაისში გაიმართება.მონაწილეები დაწყვილდებიან კენჭისყრის მეთოდით და ერთმანეთთან კონკურენციაში იქნებიან ასაკობრივი კატეგორიების მიხედვით. ჩემპიონატი სამ ასაკობრივ კატეგორიაში ჩატარდება: U3 (1-ლი, მე-2, მე-3 კლასის მოსწავლეები) U6 (მე-4, მე-5, მე-6, კლასის მოსწავლეები) U12 (მე-7, მე-8, მე-9, მ-10, მე-11, მე-12 კლასის მოსწავლეები) ზოგადი წესები ტურნირი ჩატარდება ფიდეს წესებით, 7 ტურად. სასტარტო სიისათვის კენჭისყრა გაიმართება კომპიუტერული პროგრამით - SwissManager, კენჭისყრის შედეგები გამოქვეყნდება როგორც www.chess-results.com (GEO) ასევე ჩვენს საიტზე www.brains.ge/results ჩემპიონატის სათამაშო დღის ხანგრძლივობა 3-4 საათი, შესვენებების ჩათვლით. ყოველ პარტიაზე თითოეულ მონაწილეს მიეცემა 10 წუთი, სვლაზე 5 წამის დამატებით. ტურნირზე დაიშვებიან 1-12 კლასის ის მოსწავლეები, რომლებმაც გადალახეს “ტვინების ჭადრაკის” საკვალიფიკაციო ეტაპი.(50% ბარიერი) ორი ან რამოდენიმე მონაწილის მიერ თანაბარი ოდენობის ქულების დაგროვების შემთხვევაში ადგილები განაწილდება: 1. პირადი შეხვედრა; 2. ბუჰგოლცი (ყველა მეტოქის ქულათა ჯამი); 3. მოგებების რაოდენობა; 4. შავებით ნათამაშები პარტიები. ჩატარების ადგილები და განრიგი: სამივე ასაკობრივი კატეგორიისთვის,( U3,U7,U12) თამაში დაიწყება 11:00 საათზეე ქუთაისი: ქუთაისი: იოსებ ოცხელის სახელობის ქალაქ ქუთაისის №2 საჯარო სკოლა. თბილისი: ივანე ჯავახიშვილის სახელობის თბილისის სახელმწიფო უნივერსიტეტის (თსუ) I კორპუსი. სამ ასაკობრივ კატეგორიაში გამოვლინდებიან და დაჯილდოვდებიან რეგიონში პირველი სამი ადგილის მფლობელი მოჭადრაკეები. ჩემპიონებს ტიტულთან ერთად გადაეცემათ მთავარი პრიზი - საგზური ტვინების ბრძოლის საზაფხულო ბანაკში. ასევე, სიმბოლურ და წამახალისებელ პრიზებს მიიღებს ყველა ფინალისტი, რომელმაც შეჯიბრებაში კარგი შედეგი აჩვენა.

წარმოადენს ჭადრაკი სპორტის სახეობას? თუ ეს ხელოვნებაა, რომელსაც საერთო არაფერი აქვს სპორტთან? თითოეულ ამ თვალსაზრისს ბევრი მხარდამჭერი და მოწინააღმდეგე ჰყავს. ატარებენ ჩემპიონატებს ჭადრაკში, უძლიერესი მოჭადრაკეების გამოსავლენად. ამ გაგებით, ჭადრაკს, რა თქმა უნდა, სპორტი შეიძლება ვუწოდოთ. მაგრამ გამარჯვება მიიღწევა ინტელექტის და არა ფიზიკური ძალის მეშვეობით, რაც იმას ნიშნავს, რომ მას მხოლოდ პირობითად შეიძლება ეწოდოს სპორტი. საერთაშორისო ოლიმპიურმა კომიტეტმაც კი აღიარა, რომ ჭადრაკი მხოლოდ 1999 წელს ითვლებოდა სპორტად, მაგრამ მის ჩართვას ოლიმპიური თამაშების პროგრამაში არ ჩქარობენ. ამიტომ, ჭადრაკის საერთაშორისო ფედერაციას საკუთარი ოლიმპიადების ჩატარება უწევს. თუმცა კერლინგმა, რომელსაც ხშირად ყინულის ჭადრაკი ეწოდება, უკვე მიიღო ოლიმპიური კომიტეტის ნებართვა. აი ერთი ვერსია იმისა, თუ რა განასხვავებს ჭადრაკს სპოტრისა თუ ხელოვნებისაგან. ის გაახმოვანა "ჭადრაკის ბატალიების" უშუალო მონაწილემ. 1983 წელს 17 წლის კანადელი მოჭადრაკე ალექს კუზნეცოვი ემზადებოდა პანამერიკული ახალგაზრდული ტურნირისთვის, რომელიც არგენტინაში უნდა ჩატარებულიყო. მაგრამ ჩემპიონატში მონაწილეობის მისაღებად საკმაოდ დიდი თანხა იყო საჭირო, კუზნეცოვს კი ფინანსურად უჭირდა. დიდი ხნის განმავლობაში ალექსი უშედეგოდ სტუმრობდა სხვადასხვა სამთავრობო დაწესებულებებს, არგენტინაში გასამზავრებისთვის საჭირო თანხის მოძიების იმედით. ალექსი ცივ უარს იღებდა. არავის სურდა ნიჭიერი მოჭადრაკის დაფინანსება. მართალია, ერთ-ერთი ფედერალური მინისტრი დათანხმდა კუზნეცოვის მიღებას და მოისმინა მისი თხოვნა. მინისტრმა მასთან ერთად რამდენინე პარტიაც კი ითამაშა, თუმცა თანხების გაცემას არ ჩქარობდა. მან ალექსს განუმარტა, რომ თანხები გარკვეული გრაფის მიხედვით უნდა გამოიყოს და ამისთვის ოფიციალურმა პირებმა ზუსტად უნდა იცოდნენ რა არის ჭადრაკი: სპორტი, ხელოვნება თუ უაზრო, ცარიელი დროის ტარება. მინისტრმა ამ კითხვაზე ძალიან ორიგინალური პასუხი მიიღო ახალგაზრდა კაცისგან: "ხედავთ, სერ, - უპასუხა ალექს კუზნეცოვმა - ყველაფერი დამოკიდებულია იმაზე, თუ ვინ თამაშობს ჭადრაკს. როდესაც სმისლოვი თამაშობს - ეს ხელოვნებაა, როდესაც მე ვთამაშობ - ეს სპორტია და როდესაც თქვენ თამაშობთ - ეს უბრალო დროის ტარებაა." ტვინების ბრძოლა კი ყველა ტვინიკოს ჭადრაკის მოყვარულ მოსწავლეებს ვთავაზობთ პირველ მასშტაბურ საჭადრაკო ტურნირს. დეტალები ჭადრაკი აუმჯობესებს მოსწავლეთა მრავალმხრივ უნარებს, როგორიცაა: ყურადღება, კონცენტრაცია, მეხსიერება, ანალიზი, ლოგიკა, გადაწყვეტილების მიღება, სივრცეში ორიენტაცია და სხვა. ეს უნარები პირდაპირ კავშირშია „ტვინების ბრძოლის“ მთავარ ფასეულობებთან, რომელსაც ჩვენ ვუზიარებთ მოსწავლეებს ჩვენი პროექტების მეშვეობით.

ყველა ტვინიკოს ჭადრაკის მოყვარულ მოსწავლეებს ვთავაზობთ პირველ მასშტაბურ საჭადრაკო ტურნირს ტვინების ბრძოლა იწყებს ახალ მასშტაბურ პროექტს “ტვინების ჭადრაკი”. რატომ ჭადრაკი? ჭადრაკი 1400 წელია არსებობს და საინტერესოა, რატომ ითვლება ის დღემდე ერთ-ერთ უმნიშვნელოვანეს პედაგოგიურ ინსტრუმენტად სკოლებში, განსაკუთრებით ევროპისა და მსოფლიოს წამყვანი საგანმანათლებლო სისტემების მქონე ქვეყნებში. ჭადრაკი, როგორც სავალდებულო საგანი ქართულ საგანმანათლებლო სივრცეში მიმდინარე წელს დაინერგა. ჩვენი ორგანიზაცია გულშემატკვრობს და განსაკუთრებული ინტერესით აკვირდება სწავლების მიმდინარეობასა და თავისებურებებს. თანამედროვე გამოწვევების გათვალისწინებით, მოხარული ვართ, რომ ჩვენს ტვინიკოს მოსწავლეებს შევთავაზოთ პირველი მასშტაბური საჭადრაკო ტურნირი. ჭადრაკი აუმჯობესებს მოსწავლეთა მრავალმხრივ უნარებს, როგორიცაა: ყურადღება, კონცენტრაცია, მეხსიერება, ანალიზი, ლოგიკა, გადაწყვეტილების მიღება, სივრცეში ორიენტაცია და სხვა. ეს უნარები პირდაპირ კავშირშია „ტვინების ბრძოლის“ მთავარ ფასეულობებთან, რომელსაც ჩვენ ვუზიარებთ მოსწავლეებს ჩვენი პროექტების მეშვეობით. ტვინების ბრძოლა იწვევს 1-12 კლასის მოსწავლეებს "ტვინების ჭადრაკზე" - თამაშის კლასიკური ვერსიისა და უახლესი ტექნოლოგიების კომბინაციით შექმნილ უნიკალურ ტურნირზე, რომელიც საქართველოს ჩემპიონებს გამოავლენს. ტვინების ჭადრაკი ორ ეტაპად გაიმართება! ​​ ჩემპიონატი სამ ასაკობრივ კატეგორიაში ჩატარდება: U3 (1-ლი, მე-2, მე-3 კლასის მოსწავლეები) U6 (მე-4, მე-5, მე-6, კლასის მოსწავლეები) U12 (მე-7, მე-8, მე-9, მ-10, მე-11, მე-12 კლასის მოსწავლეები) ​პირველი ეტაპი - შესარჩევი წერა: საჭადრაკო სპეც.ტესტი მოიცავს ,როგორც საჭადრაკო ელემენტებს , ასევე ზოგად ლოგიკური შეკითხვებს, რომელიც "ტვინების ბრძოლის” ფორმატთან მჭიდრო კავშირშია. შეჯიბრი გაიმართება ონლაინ 21 მაისს, Kahoot პლატფორმის გამოყენებით. მონაწილეობის მისაღებად აუცილებელია რეგისტრაცია www.brains.ge/register კონკურსის გასაგრძელებლად მონაწილემ უნდა გადალახოს 50%-იანი ბარიერი. წარმატებულ მონაწილეებს შორის ჩატარდება კენჭისყრა, რომლის მიხედვით დაკომპლექტდება წყვილები მეორე ეტაპისთვის. 7 მაისს გაიმართება Online სავარჯიშო შეკრება, სადაც ტვინების მოჭადრაკეებს საშუალება ექნებათ პირადად მოისმინონ სასარგებლო რჩევები ორგანიზატორებისგან, ასევე გაივარჯიშონ შესარჩევი ეტაპისთვის. ​ მეორე ეტაპი -ფინალი რეალურ გარემოში: “ტვინების ჭადრაკის” ფინალი გაიმართება 27 ივნისს, რეალურ გარემოში. მონაწილეები დაწყვილდებიან კენჭისყრის მეთოდით და ერთმანეთთან კონკურენციაში იქნებიან რეგიონების მიხედვით, 17 ივნისი - ტურნირის დებულება 1. ორგანიზატორი: საგანმანათლებლო პროექტების ორგანიზატორი კომპანია “ტვინების ბრძოლა” 2. სისტემა და კვალიფიკაცია: ტურნირი ჩატარდება ფიდეს წესებით, 7 ტურად. სასტარტო სიისათვის კენჭისყრა გაიმართება კომპიუტერული პროგრამით - SwissManager, კენჭისყრის შედეგები გამოქვეყნდება როგორც www.chess-results.com (GEO) ასევე ჩვენს საიტზე www.brains.ge/results 3. დროის კონტროლი: ჩემპიონატის სათამაშო დღის ხანგრძლივობა 3-4 საათი, შესვენებების ჩათვლით. ყოველ პარტიაზე თითოეულ მონაწილეს მიეცემა 10 წუთი, სვლაზე 5 წამის დამატებით. 4. მონაწილეები: ტურნირზე დაიშვებიან 1-12 კლასის ის მოსწავლეები, რომლებმაც გადალახეს “ტვინების ჭადრაკის” პირველი საკვალიფიკაციო ეტაპი.(50% ბარიერი) მონაწილეები განაწილდებიან სამ ასაკობრივ კატეგორიაში: U3 (1-ლი, მე-2, მე-3 კლასის მოსწავლეები) U6 (მე-4, მე-5, მე-6, კლასის მოსწავლეები) U12 (მე-7, მე-8, მე-9, მ-10, მე-11, მე-12 კლასის მოსწავლეები) 5. გამარჯვებულთა გამოვლენა: ორი ან რამოდენიმე მონაწილის მიერ თანაბარი ოდენობის ქულების დაგროვების შემთხვევაში ადგილები განაწილდება: 1. პირადი შეხვედრა; 2. ბუჰგოლცი (ყველა მეტოქის ქულათა ჯამი); 3. მოგებების რაოდენობა; 4. შავებით ნათამაშები პარტიები. სამ ასაკობრივ კატეგორიაში გამოვლინდებიან და დაჯილდოვდებიან როგორც საქართველოს ჩემპიონები, ასევე რეგიონში პირველი სამი ადგილის მფლობელი მოჭადრაკეები. საქართველოს ჩემპიონებს ტიტულთან ერთად გადაეცემათ მთავარი პრიზი - საგზური ტვინების ბრძოლის საზაფხულო ბანაკში. ასევე, სიმბოლურ და წამახალისებელ პრიზებს მიიღებს ყველა ფინალისტი, რომელმაც შეჯიბრებაში კარგი შედეგი აჩვენა.

ტვინების ბრძოლის მეგობრებო, გიზიარებთ ფინალური ტურის შეკითხვათა პაკეტებს. სააპელაციო ფორმა შეგიძლიათ შეავსოთ ლინკზე: shorturl.at/CHJ01 სააპელაციო ფორმა ივსება იმ შემთხვევაში, როდესაც გუნდმა ფინალურ თამაშზე დაწერა არასწორი პასუხი, თუმცა მიაჩნიათ, რომ აზრობრივად სწორია და შეიძლება ჩათვლა. კითხვის გადამოწმების ფორმა შეგიძლიათ შეავსოთ ლინკზე: https://shorturl.at/eoOZ5 კითხვის გადამოწმების ფორმა ივსება იმ შემთხვევაში, როდესაც გუნდს ფინალურ თამაშზე ეწერა სწორი პასუხი, თუმცა მიაჩნია, რომ არ არის შედეგების ცხრილში შეყვანილი. ფორმები მიიღება 26 აპრილამდე! U5 - მე-3, მე-4, მე-5 კლასების შეკითხვები U8 - მე-6, მე-7, მე-8 კლასების შეკითხვები U12 - მე-9, მე-10, მე-11, მე-12 კლასების შეკითხვები

ტვინების ბრძოლის ფინალი თბილისში. წარმოგიდგენთ: თბილისის სახელმწიფო უნივერსიტეტი • Tbilisi State University მისამართი: თბილისი, თსუ I კორპუსი, ი. ჭავჭავაძის გამზირი N1. ჩატარების განრიგი: U5 ასაკობრივი კატეგორია (3,4,5 კლასები): 11:00 U8 ასაკობრივი კატეგორია (6,7,8 კლასები): 14:00 U12 ასაკობრივი კატეგორია (9,10,11,12 კლასები): 17:00 ტვინების ბრძოლის ფინალი ქუთაისში. წარმოგიდგენთ: ქუთაისის საერთაშორისო უნივერსიტეტი, KIU მისამართი : ქუთაისი, ახალგაზრდობის გამზირი, მე-5 შესახვევი. ჩატარების განრიგი: U5 ასაკობრივი კატეგორია (3,4,5 კლასები): 11:00 U8 ასაკობრივი კატეგორია (6,7,8 კლასები): 14:00 U12 ასაკობრივი კატეგორია (9,10,11,12 კლასები): 17:00 ტვინების ბრძოლის ფინალი ბათუმში. წარმოგიდგენთ: ბათუმის ქართულ-ამერიკული სკოლა მისამართი: ბათუმი, ბაგრატიონის ქ. 117 ჩატარების განრიგი: U5 ასაკობრივი კატეგორია (3,4,5 კლასები): 11:00 U8 ასაკობრივი კატეგორია (6,7,8 კლასები): 14:00 U12 ასაკობრივი კატეგორია (9,10,11,12 კლასები): 17:00

ახლოვდება სეზონის კულმინაცია 2023 წლის გაზაფხულის სეზონის ფინალური შეხვედრა. გუნდურად მოასპარეზე წარმატებული მოაზროვნეები ერთმანეთს საქართველოს ჩემპიონის ტიტულისათვის შეერკინებიან. გუნდებმა ფინალში მოსახვედრად თავგადასავლებითა და წარმატებებით დატვირთული გზა გაიარეს. გზა ფინალამდე: I ეტაპი “შიდა სასკოლო პირველობების” სერია 20 თებერვლიდან 25 მარტამდე ადგილობრივი ჩემპიონების გამოსავლენად აქტიურად მიმდინარეობდა საქართველოს თითქმის ყველა მუნიციპალიტეტში, მთელი საქართველოს მასშტაბით მასში 406 სკოლა და 3880 გუნდი, შესაბამისად 19400 სკოლის მოსწავლე იყო ჩართული. აქვე აღსაღნიშნია - მასშტაბის ზრდა! ტვინების ბრძოლაში ჩართულ ქალაქებს საპილოტე რეჟიმში შემოუერთდა დედოფლისწყაროს, ლაგოდეხის, საგარეჯოს, მარნეულის, გარდაბნის, ბოლნისის, დმანისის წალკის, ნინოწმინდის, ახალქალაქის, ახალციხისა და ადიგენის სკოლის გუნდები. შეკთხვები ქართული ენიდან ითარგმნა აზერბაიჯანულ და სომხურ ენებზე II ეტაპი რეგიონული პირველობა 2 აპრილს გაიმართა ჩემპიონატი პარალელურ რეჟიმში საქართველოს 28 ქალაქში მიმდინარეობდა. სპეციალურად მოწყობილ “საბრძოლო დარბაზებში“ შეკრებილი გუნდები იდენტურ შეკითხვებს პასუხობდნენ, ხოლო რეიტინგულ ცხრილში ქვემოთ მოცემული რეგიონული დაყოფის პრინციპით გაერთიანდნენ . პირველადგილოსან გუნდებს რეგიონის ჩემპიონის ტიტული მიენიჭათ, ხოლო საპრიზო ადგილებზე გასულ გუნდებს ფინალურ ეტაპზე ასპარეზობის შესაძლებლობა სამივე ასაკობრივი კატეგორიის შედეგები იხილეთ აქ www.brains.ge/results ცხრილი დაყოფილია რეგიონების მიხედვით ფინალი ტვინების ბრძოლის ფინალი გამოავლენს ქვეყნის ჩემპიონებს სამივე ასაკობრივი კატეგორიიდან. ჩემპიონატის მთავარი პრიზი “ინტელექტუალური ფესტივალის საგზური” - იგივე ტვინების ბრძოლის საზაფხულო ბანაკია, რომელიც წლებია სისტემატიურად იმართება და გონებით მებრძოლ მოსწავლეთა საუკეთესო თავშეყრის ადგილია. გამარჯვებულებს ,ასევე დააჯილდოვებს კომპანიის ადმინისტრაცია და პარტნიორი ორგანიზაციები. 2023 წლის გაზაფხულის სეზონის ფინალური ეტაპი 23 აპრილს თბილისში, ქუთაისსა და ბათუმში გაიმართება, სადაც საქართველოს მასშტაბით საუკეთესო შედეგების მქონე გუნდები მიიღებენ მონაწილეობას, შეგახსენებთ, რომ ფინალი უფასოა, დაანონსებული წიგნების ნახვა ჩვენს საიტზეა შესაძლებელი, საიდანაც თამაშზე ორი შეკითხვა გაჟღერდება. წესები ერთი გუნდი შედგება ხუთი მონაწილისაგან. თითოეული გუნდი ასპარეზობს სკოლის/უნივერსიტეტის სახელით, შესაბმისად გუნდში მხოლოდ ერთი სასწავლო დაწესებულების მოსწავლეებია. თამაშში დაისმება სულ 15 კითხვა (სტუდენტურ ლიგაში 30). (მარტივი შეკითხვა = 5 ქულა; საშუალო = 6ქულა; რთული =7 ქულა.) ორი შეკთხვა გაჟღერდება წინასწარ დაანონსებული წიგნიდან. რიგით N8 შეკითხვა არის “კაპიტნების ტური” - სადაც მხოლოდ ერთი მოთამაშე რჩება სათამაშო მაგიდასთან. თითოეული შეკითხვაზე მოსაფიქრებელი დრო არის 90 წამი. მოსაფიქრებელი დროის ამოწურვისთანავე, კაპიტანი ვალდებულია ჩააბაროს ფურცელზე დაწერილი გუნდის პასუხი. გამარჯვებულია ის გუნდი რომელიც ყველაზე მეტ ქულას დააგროვებს ტურნირში მონაწილეობა უფასოა და დამატებითი რეგისტრაციის გავლა საჭირო არ არის თუ თხუთმეტი კითხვის შემდეგ ვერ გამოვლინდა პირველადგილოსანი გუნდი, გაიმართება სუპერფინალი, (დამატებითი შეკითხვა - ჩემპიონის გამოვლენამდე) ჩატარების ადგილები და განრიგი: U5 ასაკობრივი კატეგორია (3,4,5 კლასები): 11:00 U8 ასაკობრივი კატეგორია (6,7,8 კლასები): 14:00 U12 ასაკობრივი კატეგორია (9,10,11,12 კლასები): 17:00 თბილისი: თბილისის სახელმწიფო უნივერსიტეტი - თსუ I კორპუსი, ი. ჭავჭავაძის გამზირი N1. ქუთაისი: ქუთაისის სერთაშორისო უნივერსიტეტი, KIU - ახალგაზრდობის გამზირი, მე-5 შესახვევი. ბათუმი : ბათუმის ქართულ-ამერიკული სკოლა - ბაგრატიონის ქ. 117 რა უნდა გავითვალისწინოთ? არ გამოტოვო ONLINE სავარჯიშო შეკრება რომელიც 20 აპრილს 19:00 საათზე გაიმართება აუცილებლად გაეცანი ტვინების ბრძოლის გასულ სეზონებზე გამოყენებულ შეკითხვათა პაკეტებს, რომელიც ჩვენს საიტზეა განთავსებული. კიდევ ერთხელ, დაამუშავეთ გაადნონსებული წიგნი 12 ქულა “არ დასაკარგი” შესაძლებლობაა გისურვებთ წარმატებას!