Search Results

,,ტვინების ბრძოლის" ბანაკს, რომელიც ჩვენი თამაშების ტრადიციული და მთავარი პრიზია, ბევრი თქვენგანი იცნობს და მაინც რამდენად ღირს ბრძოლა ამ ჯილდოსთვის? რა მოლოდინები უნდა გქონდეთ, იმ შემთხვევაში თუ გახდებით ჩვენი შემეცნებით-ინტელექტუალური თავგადასავლების მეგზურები. ვფიქრობთ გადაწყვეტილების მიღებაში მოწოდებული ინფორმაცია დაგეხმარებათ. ტვინების ბრძოლის შემეცნებით-ინტელექტუალური ბანაკი, წლებია ბრეინსელებისთვის გამარჯვების მთავარი მოტივატორია, ეს არის საშუალება შეიძინო ახალი მეგობრები, გახდე კიდევ უფრო სოციალური, თავდაჯერებული, ისწავლო, განამტკიცო, გამოავლინო და გააზიარო შენი შესაძლებლობები. მოკლედ დაწერო შენი წარმატების ახალი ისტორია! ფოტო ,,ტვინების ბრძოლის 2023 წლის გაზაფხულის სეზონის" ბანაკიდან ბანაკში ცხოვრება ერთ კვირას მოიცავს. პროგრამა დაგეგმილია იმგვარად, რომ მოსწავლეები დასვენებისა და განტვირთის პარალელურად აქტიურად ერთვებიან შემეცნებით-საგანმანათლებლო ღონისძიებებში. ეს არის ასევე თანამედროვე ტექნოლოგიების დაუფლების და არაფორმალური განათლებას მიღების საუკეთესო შესაძლებლობა. ფოტო ,,ტვინების ბრძოლის 2023 წლის გაზაფხულის სეზონის" ბანაკიდან რობოტიკის გაკვეთილები, გუნდური ღონისძიებები, სპორტული აქტივობები, ინტელექტუალური თამაშები, ქორეოგრაფიული და იუმორისტული ღონისძიებები, ღია გაკვეთილები მოწვეულ სტუმრებთან, წამახალისებელი შიდა კონკურსები - ეს არასრული ჩამონათვალია იმ აქტივობებისა, რაც ჩვენს ბანაკში გელოდებათ. გაწერილი პროგრამის პარალელურად, თითოეულ მონაწილეს ექნება საშუალება გააჟღეროს და გაგვიზიაროს კრეტიული იდეები, რაც ცხოვრებას ბანაკში, კიდევ უფრო ინტერაქციულს გადხის. ბანაკის დასრულების შემდგომ თითოეული მონაწილე მიიღებს შესაბამის სერტიფიკატს. ფოტო ,,ტვინების ბრძოლის 2023 წლის გაზაფხულის სეზონის" ბანაკიდან ჩვენი გუნდი სრულ პასუხისმგებლობას იღებს, ბანაკში მონაწილეების უსაფრთხოებასა და ჯანსაღ პირობებში ცხოვრებაზე. ამისთვის კომპანიას ჰყავს კვალიფიციური და გადამზადებული კადრები, რომლებიც ორგანიზაციის დამფუძნებლებლებთან ერთად, ინტენსიურ კომუნიკაციაში იქნებიან ბანაკის მონაწილე ახალგაზრდებთან. ტვინების ბრძოლის ფინალური ტურის, გამარჯვებული გუნდები სრული დაფინანსებით ისარგებლებენ, მაგრამ ეს ყველაფერი არ არის! ჩვენთან ყველა ქულა ფასდება! რაც იმას ნიშნავს, რომ სპეციალური შეთავაზებით და პირობებით ისარგებლებენ ის გუნდებიც, რომლებიც ჩემპიონატის საპრიზო ადგილებზე მოხვდებიან. ჩვენ ვუზრუნველყოფთ იმას, რომ ბანაკში გატარებული ყოველი დღე, თითოეული მონაწილისთვის დაუვიწყარ თავგადასავლად იქცეს.

გაინტერესებს რა წიგნი უნდა წაიკითხო საქალაქო ტურში წარმატებული ასპარეზობისთვის ? აი ისინიც: U5 (3,4,5 კლასი)- ,,ლიონებერგელი ემილი’’ ავტორი-ასტრიდ ლინდგრე U8 (6,7,8 კლასი)- ,,ჰელადოსი’’ ავტორი-ნოდარ დუმბაძე U12 (9,10,11,12კლასი) - ,,ანტონიო და დავითი’’ ავტორი-ჯემალ ქარჩხაძე

არსი ,,ტვინების ბრძოლა“ არის გუნდურ-ინტელექტუალური თამაში სკოლის მოსწავლეებისთვის. მიზანი პროექტის მიზანია მოსწავლე ახალგაზრდობაში ერუდიციის, წიგნიერებისა და ზოგადი განათლების დონის ამაღლება.ასევე ინტელექტუალური განტვირთვის წახალისება. თამაშის წესები გუნდი შესაძლოა დაკომპლექტდეს 6 წევრისგან, თუმცა სათამაშო მაგიდასთან ერთდროულად შესაძლებელია განთავსდეს არუმეტეს 5 მონაწილე.  მე-6 წევრი არის სათადარიგო, რომელიც ჩანაცვლების პრინციპით უერთდება თამაშს. თამაში შედგება 15 შეკითხვისგან, რომლებიც მონაცვლეობით არის 5,6,7 ქულიანი. თითოეული შეკითხვის გაჟღერების შემდგომ მონაწილეებს აქვთ 90-წამი პასუხების დასაფიქსირებლად. განზღვრული  დროის ბოლო 15 წამის განმავლობაში, თითოეული გუნდის კაპიტანმა, პასუხების ფურცელი უნდა აღმართოს მაღლა. დროის ამოწურვასთან ერთად ყველა გუნდს ჩაბარებული უნდა ჰქონდეს პასუხების ფურცელი,  დროის ამოწურვის შემდეგ აღმართული პასუხების ფურცელი არ განიხილება. სწორი პასუხი ფასდება შეკითხვის გაჟღერებამდე წინასწარ გამოცხადებული ქულით (5, 6 ან 7), ხოლო არასწორი პასუხი - 0 ქულით. კაპიტნის ტური თამაშის მე-8 შეკითხვა არის კაპიტნების რაუნდი, რა დროსაც სათამაშო მაგიდასთან რჩება, მხოლოდ ერთი მონაწილე. გუნდის დანარჩენი წევრები კი დროებით ტოვებენ სათამაშო დარბაზს. დაანონსებული წიგნები ტვინების ბრძოლის ჩემპიონატის მეორე, მესამე და მეოთხე ეტაპებზე (საქალაქო, რეგიონული, ფინალი) წინასწარ ანონსდება წასაკითხი ლიტერატურა. ამავე წიგნებიდან, მოსწავლეებს შეხვდებათ 2 შეკითხვა, უშუალოდ თამაშის პროცესში.ასაკობრივი კატეგორიებიტვინების ბრძოლა ტარდება სამ ასაკობრივ კატეგორიაში: .u5-(მე-3,4,5 კლასები) .u8- (მე-6,7,8 კლასები) .u-12 (მე-9,10,11,12 კლასები) გუნდის დაკომპლექტება შესაძლებელია მხოლოდ  ერთი და იგივე სკოლის, შესაბამის ასაკობრივ კატეგორიაში შემავალი მოსწავლეებისგან. ჩემპიონატის პრინციპი ჩემპიონატი ტარდება 4-ეტაპად.პირველ ეტაპზე, სკოლებში  იმართება ტვინების ბრძოლის შიდასასკოლო თამაში, რომელში მონაწილეობის მიღება ნებისმიერ მსურველ მოსწავლეს შეუძლია. აღნიშნული ტური უფასოა.საუკეთესო შედეგების მქონე გუნდები კვალიფიცირდებიან მეორე ეტაპისთვის.მეორე ეტაპია- საქალაქო ტური, რომელშიც გუნდები კონკურენციას უწევენ საკუთარი ქალაქის სხვა გუნდებს.აღნიშნული ტური ფასიანია და თითოეული მოსწავლისთვის შეადგენს  20 ლარს.საუკეთესო შედეგების მქონე გუნდები კვალიფიცირდებიან მესამე ეტაპისთვის.მესამე ეტაპია- რეგიონული პირველობა, რომელშიც გუნდებიკონკურენციას უწევენ საკუთარი რეგიონის სხვა გუნდებს.აღნიშნული ეტაპი, ისევე როგორც შიდა სასკოლო ტური არის უფასო.საუკეთესო შედეგების მქონე გუნდები, იასპარეზებენ  მეოთხე ფინალურ ეტაპზე.ფინალში მონაწილეობის მიღება ფასიანია და განისაზღვრება 20 ლარით ერთ მოაზროვნეზე.სწორედ დასკვნით ეტაპზე გამოვლინდება საუკეთესო შედეგის მქონე გუნდი სამ სხავადასხვა ასაკობრივ კატეგორიაში, რომელიც მოიპოვებს საქართველოს ჩემპიონის ტიტულს. განსაკუთრებული პირობები ჩემპიონატის მეორე, მესამე და მეოთხე ეტაპებზე ზოგიერთ შეკითხვას შესაძლოა,ახლდეს დამატებითი ვიზუალური მასალა, რომელიც გუნდებს დაურიგდებათ შეკითხვის გაჟღერებამდე და/ან გამოისახება ეკრანზე.ჩემპიონატის მეორე, მესამე და მეოთხე ეტაპების დასრულების შემდეგ მონაწილე გუნდებს შეუძლიათ, შეავსონ სააპელაციო განაცხადი, თუ მიიჩნევენ, რომ რომელიმე შეკითხვაში მათი დაფიქსირებული პასუხი უნდა ჩაითვალოს სწორად.სააპელაციო განაცხადს განიხილავს სააპელაციო ჟიური, რომელიც მიიღებს საბოლოო გადაწყვეტილებას; ე.წ. “ლოგიკური დუალის” აღმოჩენის შემთხვევაში, შესაძლოა,ჩაითვალოს პასუხი, რომელიც არ ემთხვევა საავტორო პასუხს.“ლოგიკურ დუალად” მოიაზრება გუნდის დაფიქსირებული პასუხი, რომელიც აბსოლუტურად ემთხვევა შეკითხვის პირობაში არსებულ მოთხოვნებს, თუმცა განსხვავდება საავტორო პასუხისგან. აპელაცია ფასიანია და განისაზღვრება 10 ლარით, აღნიშნული თანხა უბრუნდება გადამხდელს, სააპელაციო განაცხადის დაკმაყოფილების შემთხვევაში. ტვინების ბრძოლა გისურვებთ წარმატებებს და გელით 2024 წლის გაზაფხულის მასშტაბურ სეზონზე.

ტვინების ბრძოლა ახალ სეზონს იწყებს! გუნდურ ინტელექტუალური თამაში, თავისი მასშტაბებით ყოველწლიურ შედეგებს აუმჯობესებს და ახალი სეზონით ძველ რეკორდს ხსნის. 2024 წლის გაზაფხულის სერია, კიდევ უფრო მეტი საინტერესო სიახლეებით და ნოვაციური გადაწყვეტებით დაიგეგმა. სეზონმა სტარტი ძველ გუნდთან ერთად, განახლებული საკადრო შემადგენლობით აიღო. მოცვადობის გაზრდის მიზნით, კომპანიურ რგოლს დაემატა კადრები, სხვადასხვა მოწყვლადი რეგიონებიდან. განსაკუთრებით გვინდა აღვნიშნოთ, რომ ჩვენი ოლიმპიადის წარმატებული მონაწილეები, წელს კომპანიას თანამშრომლის სტატუსით შემოუერთნენ. აღსანიშნავია რომ აქტიურ რეჟიმში მიმდინარეობს, პროექტის  გაცნობითი ხასიათის შეხვედრები, როგორც სკოლებთან ასევე რესურსცენტრებთან. სიახლეების პარალელურად, ჩემპიონატი უკვე კარგად ნაცადი და დამკვიდრებული წესებით ჩატარდება. მთავარი პრინციპი მდგომარეობს შემდეგში - გუნდი უნდა დაკომპლექტდეს არაუმეტეს 6 მონაწილისგან, საიდანაც 5 ძირითადი მოთამაშეა, მე-6 კი სათადარიგო. მკვეთრად გამიჯნული წესების თანახმად, სათამაშო მაგიდასთან ერთდროულად დასხდომა შეუძლია მხოლოდ 5 მონაწილეს, მე6 წევრი კი თამაშს შეუერთდება ჩანაცვლების პრინციპით. ტვინების ბრძოლა 3 ასაკობრივ კატეგორიაში ტარდება. .პირველი ასაკობრივი კატეგორია (3,4,5) კლასი .მეორე ასაკობრივი კატეგორია (6,7,8) კლასი .მესამე ასაკობრივი კატეგორია (9,10,11,12) კლასი მოსწავლეებს ასევე შეუძლიათ გუნდი, ასაკობრივი კატეგორიის შემადგენლობაში შესული, სხვადასხვა კლასებიდან დააკომპლექტონ. პირველი ტური შიდა სასკოლო ჩემპიონატია, რომელიც პირველი აპრილიდან 25 აპრილამდე გაგრძელდება. მეორე ტურში გადავლენ ბარიერ გადალახული გუნდები, რომლებიც ერთმანეთს საქალაქო პირველობის სტატუსისთვის დაუპირისპირდებიან. საქალაქო ჩემპიონატი 19 მაისს გაიმართება. ჩატარების ადგილების და განრიგების შესახებ ინფორმაცია, 10 მაისამდე გამოქვეყნდება. აღნიშნულის თაობაზე, მონაწილეები ასევე მიიღებენ ტექსტურ შეტყობინებას. საქალაქო ტურის შემდგომ ტარდება რეგიონული პირველობა, ხოლო კულმინაცია არის მესამე ეტაპი- ფინალური ჩემპიონატი. თამაში განკუთვნილია მხოლოდ სკოლის მოსწავლეებისთვის. შიდა სასკოლო ტურში მონაწილეობა არის სრულიად უფასო, ხოლო საქალაქო ტურში ასპარეზობის ღირებულება შეადგენს 20 ლარს. აღსანიშნავია რომ ტვინების ბრძოლის პროექტებში ჩართული მოსწავლეების რაოდენობა და ინტერესი ყოველწლიურად მზარდია, რაც განპირობებულია ჩვენი მიმართულებების სპეციფიკით. კომპანიის მთავარი მიზანია, არაფორმალური განათლების ხელშეწყობა, სწორედ ამიტომ ჩვენი თამაშები აწყობილია იმგვარად, რომ მოსწავლეებმა საგნობრივი ცოდნის დადასტურების პარალელურად, გაიღრმავონ ზოგადი განათლება. გუნდურ-ინტელექტუალური თამაში ,,ტვინების ბრძოლა“ მოსწავლეებში მნიშვნელოვნად უწყობს ხელს, წაკითხულის გააზრებასა და წიგნის კითხვისადმი სიყვარულის გაძლიერებას. ამ მიზნით ჩემპიონატის ყველა ეტაპამდე ანონსდება წასაკითხი წიგნები, საიდანაც თამაშში შესულია სამი შეკითხვა. აღნიშნული აძლევს მოსწავლეს მოტივაციას, წაიკითხოს დაანონსებული ლიტერატურა, ხოლო თუ წიგნი მისთვის უკვე ნაცნობია, უფრო სიღრმისეულად განამტკიცოს და გაიაზროს წაკითხულის შინაარსი. ჩვენი პოექტების მთავარი მიზანია, მოსწავლეებში განვავითაროთ  ისეთი უნარები, როგორებიცაა: ყურადღება, კონცენტრირება, მეხსიერება, ანალიზი, ლოგიკა, გადაწყვეტილების მიღება, სივრცეში ორიენტირება და სხვა. სწორედ ამ მოტივებზეა მორგებული მთავარი პრიზი  და ეს გახლავთ შემეცნებით-ინტელექტუალური ბანაკი, სადაც გამარჯვებული გუნდები უფასოდ ერთვებიან. საგანმანათლებლო ორგანიზაცია ,,ტვინების ბრძოლა" ელის ახალი ჩემპიონების გამოვლენას.ჩვენ მზად ვართ თქვენთან ერთად ახალი სეზონი, კიდევ უფრო დაუვიწყარი გავხადოთ.

ტვინების ოლიმპიადა - კიდევ ერთი ახალი პროექტი, რომელიც ჩვენი ორგანიზაციის  საგანმანათლებლო ღონისძიებების  კალენდარში ამიერიდან სისტემატიურად მოინიშნება. ოლიმპიადამ სტატრი შემოდგომის სეზონზე აიღო. ,,გაეჯიბრე ხელოვნურ ინტელექტს“ ეს არის მთავარი მახასიათებელი,  რაც ტვინების ოლიმპიადის სპეციფიკას და  ინდივიდუალიზმს ქმნის. უნიკალური პრინციპის გამოყენებით ჩემპიონატის მონაწილეებს მიეცათ საშუალება გამოევლინათ როგორც პროგრამული ცოდნა, ასევე ზოგადი განათლება. ოლიპიადა სამ ტურად გაიმართა, ინდივიდუალიზმზე საუბრისას, მნიშვნელოვანი კომპონენტია ჩატარების სპეციფიკა, რაც მდგომარეობს იმაში, რომ პირველი ორი ეტაპი ონლაინ რეჟიმში Kahoot პლათფორმის ფორმატში წარიმართა. მონაწილეებს საშუალება ჰქონდათ ტესტური დავალებების შესასრულებლად 5 დეკემბრიდან 28 თებერვლის ჩათვლით, მათთვის სასურველი დრო და თარიღი აერჩიათ, რამაც ტესტის წერა თითოეული მონაწილისთვის კიდევ უფრო მოსახერხებელი გახადა. საგნობრივი ოლიმპიადის პირველ ტურში მთელი ქვეყნის მასშტაბით დაახლოებით 5000-მა მოსწავლემ მიიღო მონაწილეობა. ჩემპიონატი სამ საგანში ქართულში, მათემატიკასა და ინგლისურში ჩატარდა. ტესტები სხვადასხვა სირთულის და სპეციფიკის 15 საკითხისგან იქნა შედეგენილი. თითოეულ საგანში მოსწავლეებს  60 წუთი ჰქონდათ, თუმცა უნდა აღინიშნოს, რომ მათმა უმრავლესობამ დავალებების შესრულებას გაცილებით ნაკლები დრო მოანდომა. პირველ ეტაპზე ჩართული მოსწავლეების სტატისტიკა ასე გამოიყურება. მათემატიკის ტესტური დავალებები 1720-მა მოსწავლემ დაწერა. ქართული -1590. ინგლისური - 1261. შემდეგ ტურში ასპარეზობის უფლება მოიპოვეს მონაწილეებმა, რომლებმაც შეძლეს 50%-იანი ბარიერის გადალახვა. ტვინების ოლიმპიადის შემდეგი მეორე ეტაპი, კომპანიურად ასევე ნოვაციური გადაწყვეტა იყო, რაც ონლაინ გასაუბრების ფორმატში გამოიხატა. მეორე ტურში გადასულ მოსწავლეებს, 28 იანვრიდან 29 თებერვლის ჩათვლით, კომპანიის დამფუძნებლები და ოლიმპიადის მენეჯერები პირადად გაესაბრნენ და ორმხრივი ინტერაქციის ფარგლებში, ფინალისთვის ერთგვარი გზამკვლევი ინსტრუქციები გასცეს. გასაუბრების პარალელურად მონაწილეებმა kahooT პლათფორმაზე ტესტური დავალებებიც შეასრულეს. ინგლისური ენა - მოსმენა ქართული ენა - წაკითხულის გააზრება მათემატიკა - მონაცემთა გაანალიზება. ,,კარგი ქულა დედის გულის ვარდია" სიმბოლური სლოგანით ტვინების ოლიმპიადამ 3 მარტს ფინალური ტური გამართა. საუკეთესო შედეგების მქონე მოსწავლეები სხვადასხვა საგამოცდო ცენტრებში გადანაწილდნენ. ჯამში მთელი ქვეყნის მასშტაბით, ჩატარების 10 ადგილი მოინიშნა, იმ მიზნით რომ ფინალისტებს, საცხოვრებელი ადგილიდან საგამოცდო ცენტრამდე, მაქსიმალური წვდომა ჰქონოდათ. ტვინების ბრძოლა მადლობას უხდის მასპინძელ დაწესებულებებს და თითოეულ გულშმატკივარს, რომლებიც ტრადიციულად მრავლად ჰყავს ჩვენს პროექტებსა და მონაწილეებს. გულშემატკივრები ფინალური ტურიდან, ქუთაისი სიმბოლურია რომ ოლიმპიადის ფინალი 3 მარტს, დედის დღეს ჩატარდა. მონაწილეებისთვის მოტივაციის კიდევ უფრო გასაზრდელად, დაიგეგმა აქცია-პერფორმანსი. საგამოცდო სივრცეებში ტესტის წერასთან ერთად, მოსწავლეებს მისალოცი ბარათები დახვდათ და დედებს გულწრფელი სურვილები დაუწერეს. ფინალური ტურიდან ერთი კვირის განმავლობაში მოხდა შემოსული აპელაციების განხილვა, ხოლო 8 მარტს ცნობილი გახდა, ოლიმპიადის პირველადი შედეგები და განთავსდა ჩვენს საიტზე. www.brains.ge ფინალურ ტურზე, როგორც მოსალოდნელი იყო გამოვლინდნდენ გამარჯვებულები და ასევე თანაბარ ქულიანი მონაწილეები,რამაც სუპერ ფინალის გამართვის აუცილებლობა განაპირობა. გამარჯვებულებისა და სუპერფინალისტების შესახებ ზუსტი ინფორმაცია, შეგიძლიათ იხილოთ აქ https://www.brains.ge/ სუპერ ფინალი 31 მარტს თბილისსა და ქუთაისში ჩატარდება, სადაც პირველობისთვის 39 საუკეთესო შედეგის მქონე მონაწილე იბრძოლებს. აქვე გთავაზობთ ჩატარების დაზუსტებულ ლოკაციებს კომპანია ,,ბრეინსი" წინასწარ უხდის მადლობას ორივე საგანმანათლებლო დაწესებულებას მასპინძლობისთვის. რაც შეეხება საგნების განრიგს და ჩატარების დროს, . ქართული 12:00 . მათემატიკა 13:00 . ინგლისური 14:00 ბრეინსი ყველა მონაწილეს წარმატებას უსურვებს, შევხვდებით 31 მარტს.

ტვინების ოლიმპიადის ფინალამდე სულ უფრო ცოტა დრო რჩება, შესაბამისად ჩემპიონატში ჩართული თითოეული მონაწილის სრულფასოვანი ასპარეზობისთვის, არსებითად ნიშვნელოვანია ყველა დეტალის ცოდნა. კომპანიის ერთ-ერთი დამფუძნებელი ალექსი ბასილაძე პასუხობს შეკითხვებს. როდის და რა განრიგით გაიმართება ტვინების ოლიმპიადის ფინალი ? ტვინების ოლიმპიადის ფინალი 3 მარტს, რეალურ სივრცეში გაიმართება , ჩატარების ადგილად ქვეყნის მასშტაბით 10 ლოკაცია შევარჩიეთ. ფინალისტები შეიკრიბებიან შემდეგ ქალაქებში:თბილისი, რუსთავი, გორი, ქუთაისი,კახეთი, ბათუმი, ქობულეთი,ოზურგეთი, ზუგდიდი, ცაგერი. მისამართები დეტალურად განთავსებულია ჩვენს საიტზე. საგნობრივი ოლიმპიადის ფინალი , როგორც იცით სამ საგანში: ქართულში, მათემატიკასა და ინგლისურში ტარდება. ყველა საგანში ფინალური ტური 3 მარტს გაიმართება, ჩატარების დროები კი ასე გამოიყურება:  ინგლისური 2-12 კლასის ჩათვლით 11:00 საათი  მათემატიკა 2-12 კლასის ჩათვლით 14:00 საათი  ქართული 2-12 კლასის ჩათვლით 17:00 საათი რამდენია წერისთვის განკუთვნილი დრო და რამდენი საკითხისგან შედგება ტესტი? ტესტები სხვადასხვა სირთულის და სპეციფიკის 15 საკითხს მოიცავს, ტვინების ოლიმპიადის არსებითად გამორჩეული მხარე კრეატიული გადაწყვეტებია. თითოეულ საგანში ტესტის წერა 60 წუთი გაგრძელდება. რა ტიპის იქნება ტესტის შეკითხვები? შერეული ხასიათის, უფრო ზუსტად კი დავალებები ქართულსა და მათემატიკაში მხოლოდ დახურული ტიპის შეკითხვებს აერთიანებს, ხოლო ინგლისურ ენაში მოცემულია, როგორც ღია, ისე დახურული ტიპის კითხვები. რა არის ოლიმპიადის მიზანი? რა გამოგარჩევთ სხვა ოლიმპიადებისგან? ოლიმპიადის მიზანია უნიკალური პრინციპის გამოყენებით მოსწავლეებმა გამოავლინონ, როგორც პროგრამული ცოდნა ასევე ზოგადი განათლება, გახდნენ ისინი უფრო მოტივირებულნი და შეიყვარონ საკონკურსო დავალებები. ტვინების ოლიმპიადის არსებითად გამორჩეული მხარე კრეატიული გადაწყვეტებია, მოგეხსენებათ რომ ფინალისთვის სააკრედიტაციო ტესტირებები მოსწავლეებმა ონლაინ Kahoot პლათფორმაზე შეასრულეს , საიდანაც ტესტების 50 პროცენტი ხელოვნური ინტელექტის მიერ არის შედგენილი დანრჩენი კი შედგენილია საგნის სპეციალისტების მიერ, რაც შეეხება ფინალურ ტურს, ვიცით რომ რეალურ სივრცეში იმართება და გამორჩეული მხარეა ის, რომ ქართულისა და ინგლისურის დავალებების 1/3 წაკითხულის გააზრებას ითვალისწინებს, მატემატიკის შემთხვევაში კი დავალებების შესრულება, თითოეული მოსწავლისთვის მონაცემთა ანალიზის კარგი პრაქტიკა იქნება. რა პრინციპით გამოვლინდებიან გამარჯვებულები? ფინალური ეტაპი გამოვლენს, როგორც საქართველოს ჩემპიონებს, ასევე რეგიონში საუკეთესო შედეგების მქონე მოსწავლეებს -შესაბამისი კლასებიდან. სიმბოლურია რომ ოლიმპიადა ტარდება 3 მარტს დედის დღეს, მონაწილეებისთვის მოტივაციის კიდევ უფრო გასაზრდელად, ჩვენ ვგეგმავთ აქცია-პერფორმანსს: საგამოცდო სივრცეებში ტესტის წერასთან ერთად, მოსწავლეები პასუხების ფურცელზე მონიშნავენ ბრძანებებს ხელოვნური ინტელექტისთვის, რომელიც შექმნის სიმბოლურ საჩუქარს დედებისთვის, მონაწილეები ასევე თავად დაამზადებენ ორიგინალურ მისალოც ბარათებს დედებისა და მასწავლებლებისთვის. როდის გახდება ცნობილი შედეგები? 8 მარტს უკვე ცნობილი გახდება ჩემპიონატის პირველადი შედეგები, ამის შემდგომ ერთი კვირის ვადაში, მოხდება აპელაციების განხილვა და საბოლოო შედეგები განთავსდება მისამართზე https://www.brains.ge/olympics ტვინების ბრძოლა ყველა მონაწილეს წარმატებებს უსრვებს.

კომპანია ,,ტვინების ბრძოლის"- 2023 წლის ერთ-ერთ მთავარი სიახლე იყო პროექტი ,,ტვინების ჭადრაკი". ყველაზე აკადემიურმა სპორტის სახეობამ, ჩვენს თამაშებში საპატიო ადგილი დაიკავა. მთავარი მიზანი რამაც არსებულ პროექტებში ახლის ჩაშვების კომპანიური გადაწყვეტილება განაპირობა, იყო და არის ჭადრაკის, როგორც სპორტის სახეობის პოპულარიზაცია. ცნობილია რომ ჭადრაკი აუმჯობესებს მოსწავლეთა მრავალმხრივ უნარებს, როგორებიცაა: ყურადღება, კონცენტრირება, მეხსიერება, ანალიზი, ლოგიკა, გადაწყვეტილების მიღება, სივრცეში ორიენტირება და სხვა. ეს კი, პირდაპირ კავშირშია “ტვინების ბრძოლის” იმ მთავარ ფასეულობებთან, რომელსაც ჩვენი პროექტებით მოსწავლეებს ვუზიარებთ. ტვინების ჭადრაკი სატესტო რეჟიმში 2023 წლის გაზაფხულის სეზონზე ჩაეშვა. ჩემპიონატი პირველიდან მეთორმეტე კლასის მოსწავლეებში ჭადრაკის კლასიკური ვერსიისა და თანამედროვე ტექნოლოგიების კომბინაციით ჩატარდა. საქართველოს ჩემპიონებში სამ ასაკობრივ კატეგორიაში გამოვლინდნენ. U3 (პირველი, მე-2, მე-3 კლასის მოსწავლეები). U6 (მე-4, მე-5, მე-6 კლასის მოსწავლეები). U12 (მე-7, მე-8, მე-9, მე-10, მე-11, მე-12 კლასის მოსწავლეები). სატესტო რეჟიმში წარმატებით ჩატარებული ჩემპიონატის შემდგომ, ტვინების ჭადრაკი იმავე პრინციპით და კიდევ უფრო გაზრდილი მასშტაბებით შემოდგომის სეზონის ჩემპიონატების კალენდარზეც მოინიშნა. ფინალური ტურის თარიღად 24 დეკემბერი შეირჩა და შესაბამისად წლის პროექტების სერიაც, ჭადრაკის ჩემპიონატით დაიხურა. თამაში რეალურ გარემოში შვიდ ტურად და ფიდეს (ფიდე წარმოადგენს ორგანიზაციას, რომელიც ატარებს, საერთაშორისო ჩემპიონატებს ჭადრაკში) წესებით 7 ტურად ჩატარდა. საუკეთესო მოჭადრაკის ტიტულის გამოსავლენად მონაწილეები თითქმის მთელი საქართველოდან გაერთიანდნენ. ფინალისთვის კი ამჯერად ორი ლოკაცია შეირჩა. საქართველოს ჩემპიონატი ჭადრაკში 24 დეკემბერს ორ ქალაქში, თბილისსა და ქუთაისში გაიმართა. .თბილისში ნორჩს მოჭადრაკეებს 112 საჯარო სკოლამ უმასპინძლა. .ქუთაისში კი ჩემპიონატს მასპინძლობა, იოსებ ოცხელის N2 საჯარო სკოლამ გაუწია. აღმოსავლეთ საქართველოს ჩემპიონები და ნახევარ ფინალისტები გახდნენ: U3-(1,2,3 კლასი) ედიბერიძე ალექსანდრა U6-(4,5,6კლასი) მაღლაკელიძე ნიკოლოზი U-12 (7,8,9,10,11,12 კლასი) ჭაბაშვილი საბა ფოტოები ტვინების ჭადრაკში საქართველოს ჩემპიონატიდან, თბილისი 112 საჯარო სკოლა. ჩემპიონატის ყველა მონაწილეს წამახალისებელი სერტიფიკატი გადაეცა. ფინალურ ტურში ერთმანეთს ონლაინ პლათფორმის საშუალებით დასავლეთ და აღმოსავლეთ მხარეების, ნახევარფინალისტები დაუპირისპირდნენ. საბოლოო შედეგების მიხედვით ,,ტვინების ჭადრაკის" 2023 წლის შემოდგომის სეზონის ჩემპიონები გახდნენ : ⭐️ლილე სვანაძე საქართველოს ჩემპიონი ჭადრაკში-1,2,3 კლასი. ⭐️ანასტასია ჭიჭინაძე საქართველოს ჩემპიონი ჭადრაკში- 4,5,6 კლასი. ⭐️ნიკოლოზ ჯოჯუა საქართველოს ჩემპიონი ჭადრაკში-7,8,9,10,11,12 კლასი. ​​​ ჩემპიონატში გამოვლინდნენ და დაჯილდოვდნენ, როგორც საქართველოს ჩემპიონები, ასევე რეგიონში პირველი სამი ადგილის მფლობელი მოჭადრაკეები. საქართველოს ჩემპიონებს ტიტულთან ერთად გადაეცემათ მთავარი პრიზი - საგზური ტვინების ბრძოლის საზაფხულო ბანაკში. კომპანია ბრეინსი მასპინძელ ორივე საგანმანათლებლო დაწესებულებას, კიდევ ერთხელ უხდის მადლობას თანამშრომლობისა და მხარდაჭერისთვის. მადლობა ასევე თითოეულ მოჭადრაკეს, სწორედ თქვენმა მრავალრიცხოვნებამ და კარგმა თამაშმა განაპირობა ჩემპიონატის კონკურენტუნარიანობა და დაძაბული ფინალი. მადლობა გულშემატკივრებს, რომლებიც უამინდობის მიუხედავად ბოლომდე ქომაგობდნენ ჩვენს ტვინიკოს მოჭადრაკეებს. მადლობა ჩემპიონატის ყველა მსაჯს და ასევე კომპანია ბრეინსის გუნდს, სწორედ ამ ერთობამ განაპირობა ჩემპიონატის ჩატარება წარმატებით. ჩვენ კი შეძენილ გამოცდილებასთან ერთად, კიდევ უფრო ბევრს გავაკეთებთ იმისთვის, რომ ჭადრაკის დისციპლინური სვლები სულ უფრო მეტმა მოსწავლემ შეიყვაროს.

ტვინების ბრძოლამ კიდევ კიდევ ერთი სეზონი წარმატებით დაასრულა. ყველაზე მასშტაბური სასკოლო პროექტების ,,ტვინების ბრძოლისა“ და ,,ტვინების ჭადრაკის“ შედეგებსა და მიღწევებზე ამ სტატიაში მოგიყვებით. განსაკუთრებით აღსანიშნავია ის, რომ ყოველი ახალი სეზონი ძველ შედეგს აუმჯობესებს. ამ მხრივ გამონაკლისი არც შემოდგომა 2023 აღმოჩნდა და გუნდურ თამაშებში ჩართული მოსწავლეების რაოდენობამ ტვინების ბრძოლის ისტორიული რეკორდი მოხსნა. შინაარსობრივი ნაწილის, სტატისტიკური ციფრების და შედეგების გაცნობამდე კიდევ ერთელ ვუხდით მადლობას პროექტში ჩართულ თითოეულ მოსწავლეს, მასწავლებელს, მშობლებს, სკოლისა და საგანმანათლებლო რესურსცენტრების წარმომადგენლებს, სწორედ ერთობლივი ძალისხმევით შევძელით ის, რომ ათასობით მოსწავლისთვის, ჩვენი პროექტები გახდა საინტერესო და მოტივაციის მიმცემი. შიდა სასკოლო ჩემპიონატი შიდასასკოლო ჩემპიონატები: “ტვინების ბრძოლის” 2023 წლის სეზონი შიდასასკოლო ჩემპიონატების სერიით დავიწყეთ. ოქტომბრის თვე სრულად დავუთმეთ, შიდასასკოლო ჩემპიონატების ორგანიზებას ქვეყნის მასშტაბით. ჩვენი გუნდის წარმომადგენლები პირადად ეწვივნენ თითოეული რეგიონის სკოლების დიდ ნაწილს და გამართეს შეხვედრები საგანმანათლებლო რესურსცენტრებში. ,,ტვინების ბრძოლის” შემოდგომის სეზონის ჩემპიონატების წამყვანებს, ჩაუტარდათ მოსამზადებელი/საკონსულტაციო შეხვედრები, როგორც ფიზიკურ სივრცეებში ასევე ონლაინ ფორმატში. გუნდური თამაშების 2023 ის შემოდგომის სეზონზე საქართველოს მასშტაბით სულ 1455 სკოლა, 5043 გუნდი (სამივე ასაკობრივი კატეგორია ) და 25 215 მოსწავლე ჩაერთო. საქალაქო ტური შიდა სასკოლო ჩემპიონატზე დაწესებული ბარიერის გადალახვის შემდგომ გუნდებს მიეცათ შესაძლებლობა, ასპარეზობა გაეგრძელებინათ საქალაქო ეტაპზე. საქალაქო პირველობა 26 ნოემბერს, საქართველოს 32 ქალაქში ერთდროულად ჩატარდა. შედარებისთვის 2022 წლის შემოდგომის სეზონზე შერჩეული იყო ჩატარების 19 ადგილი, რომელთა არსებითად გაფართოება, Ჩემპიონატებში ჩართული მოსწავლეების რაოდენობის ზრდამ განაპირობა. საქართველოს სხვადასხვა კუთხიდან, დაძაბულ და საინტერესო ასპარეზობაში 1070 გუნდი ჩაერთო, ტვინების ბრძოლის ჩემპიონატი სამ ასაკობრივ კატეგორიაში გაიმართა. U5 III, IV, V კლასი U8 VI, VII, VIII კლასი U12 IX, X, XI, XII კლასი გულშემატკივრები საქალაქო ჩემპიონატიდან ქუთაისი ა.წერეთლის სახელმწიფო უნივერსიტეტი თბილისი საქალაქო პირველობის ამსახველი ფოტოკოლაჟი იხილეთ მითითებულ ლინკზე https://fb.watch/pCdIfjNwlM/ რეგიონული ტური შიდაგანაწესის მიხედვით გუნდური თამაშების მორიგი ეტაპი რეგიონული ტურია, სადაც წარმატებული ასპარეზობისთვის მონაწილეებს ორ კვირიანი შუალედი ჰქონდათ. დაანონსდა წასაკითხი ლიტერატურა, საიდანაც ფინალური ტურზე თითო ასაკობრივი კატეგორიისთვის ორი შეკითხვა გაჟღერდა. რეგიონული პირველობისთვის მონაწილეებმა შემდეგი ლიტერატურა წაიკითხეს: 3,4,5 კლასი- სალამურას თავგადასავალი. 6,7,8 კლასი- პატარა პრინცი. 9,10,11,12 კლასი- ბაბუაწვერას ღვინო. რეგიონული პირველობა რეგიონული პირველობა 10 დეკემბერს ქვეყნის მასშტაბით 10 ლოკაციაზე გაიმართა, მასში ასპარეზობის უფლება მიიღეს გუნდებმა, განსაზღვრული 50 %-იანი ბარიერის გადალახვის შედეგად. რეგიონული ტურის ჩატარების ადგილები ამგვარად გადაწყდა 1.თბილისი- თბილისის სახელმწიფო უნივერსიტეტი 2. ქუთაისი- ქუთაისის აკაკი წერეთლის სახელმწიფო უნივერსიტი 3.ადიგენი- ფხეროს საჯარო სკოლა 4.ქობულეთი-ქობულეთის 3 საჯარო სკოლა 5.თელავი- თელავის 7 საჯარო სკოლა 6.სვანეთი-სვანეთის ისტორიის და ეთნოგრაფიის მუზეუმი 7.მარტვილი-კერძო სკოლა ,,სხივი” 8.ჩოხატაური-ჩოხატაურის შუა ამაღლების საჯარო სკოლა 9.ზუგდიდი-შოთა მესხიას ზუგდიდის სახელმწიფო უნივერსიტეტი 10. Ცაგერი-ცაგერის საჯარო სკოლა გაგაცნობთ რეგიონული ტურის საუკეთესო შედეგების მქონე გუნდების ჩამონათვალს. ტვინების ბრძოლის რეგიონული ტურის ჩემპიონები გახდნენ: თბილისი u5 კატეგორია, 3,4,5 კლასი 133 საჯარო სკოლა გუნდი ,,მომავლის        ბავშვები”  კაპიტანი -დაჩი გერმანოზიშვილი- 77 ქულა. u8 კატეგორია,6,7,8 კლასი 42 საჯარო სკოლა გუნდო ,,310” კაპიტანი ეკა იაკობაშვილი-  78 ქულა. u12კატეგორია 9,10,11,12 კლასი ,,თავისუფალი სკოლა” გუნდი ,,მრგვალი მაგიდა”- 71 ქულა. იმერეთი ქუთაისი 3,4,5 კლასი გუნდი ,,ცეცხლოვანი მეგობრები”  სკოლა ,,პროგრესი” კაპიტანი მარიამ აჟანდაძე. 71 ქულა. იმერეთის ჩემპიონის ტიტული მეორე ასაკობრივ კატეგორიაში, ქუთაისისა და ვანის გუნდებმა თანაბარი ქულის მოპოვებით გაინაწილეს. 6,7,8 კლასი 41 საჯარო სკოლა გუნდი ,,ჯვაროსნები” კაპიტანი აკაკი წიტაიშვილი, 84 ქულა. 6,7,8 კლასი ვანის პირველი საჯარო სკოლა, გუნდი ,,ნოვატორები" კაპიტანი ნიკოლოზ შუბლაძე 84 ქულა. 9,10,11,12 კლასი ტყიბული  1 საჯარო სკოლა გუნდი ,,ჯინსების თაობა” კაპიტანი საბა ქენქაძე 71 ქულა. შიდა ქართლი 3,4,5 კლასი გორის მე15 საჯარო სკოლა გუნდი ,,ვარსკვლავები” კაპიტანი ანა აწკარუნაშვილი 54 ქულა. 7,8,9 კლასი კასპი, ოკამის საჯარო სკოლა გუნდი ,,ინტელექტუალები” კაპიტანი გიორგი შუკაკიძე 83 ქულა. 10 ,11,12 კლასი რუსთავის 24 საჯარო სკოლა, გუნდი ,,მემატიანენი” კაპიტანი სოფიო შავიშვილი. ქვემო ქართლი 3,4, 5 კლასი რუსთავი სკოლა ,,რუსთველი” 24 საჯარო სკოლა გუნდი ,,ფენიქსი” კაპიტანი ელენე კურტანიძე 40 ქულა. 6,7, 8 კლასი კასპი ოკამის საჯარო სკოლა გუნდი ,,ინტელექტუალები” გიორგი შუკაკიძე 83 ქულა. 9, 10, 11, 12 კლასი რუსთავის 24 საჯარო სკოლა, გუნდი ,,მემატიანენი “ კაპიტანი სოფიო შავიშვილი 47 ქულა. მცხეთა/მთიანეთი 3,4,5 კლასი მცხეთა სარკინეთის ათმეტ მოციქულთა სკოლა გუნდი ,,სარკინეთი” კაპიტანი ნინია კაიშაური 42 ქულა. 6,7,8 კლასი ქარელი  მეორე საჯარო სკოლა გუნდი ,,მოაზროვნეები” კაპიტანი ჯემალ ნანეტაშვილი 65 ქულა. 9,10,11,12 კლასი მცხეთა მე2 საჯარო სკოლა გუნდი ,,3V” კაპიტანი თეკლა ნაგლაშვილი 35 ქულა აჭარა 3,4,5 კლასი  ბათუმი სკოლა ევრო 200 გუნდი ,,ისტორიკოსები” კაპიტანი ქეთი რომანაძე 60 ქულა. 6,7,8 კლასი ქობულეთი პირველი საჯარო სკოლა გუნდი ,,ძალა ერთობაშია” კაპიტანი მეა წოწონაშვილი 68 ქულა. 9,10,11,12 კლასი ბათუმი 28 საჯარო სკოლა გუნდი ,,ქლევერსები” კაპიტანი ლოდნა ნაკაშიძე 28 ქულა. გურია 3,4,5 კლასი ოზურგეთი შემოქმედის საჯარო სკოლა გუნდი ,,არწივები” კაპიტანი დავით ნაჭყებია 51 ქულა. 6,7,8 კლასი ოზურგეთი მე4 საჯარო სკოლა გუნდი ,,ჯაფარა” კაიტანი მარიამ კვაჭაძე 55 ქულა. 9,10,11,12 კლასი ჩოხატაური შუა ამაღლების საჯარო სკოლა გუნდი ,,აი რი სი “ კაპიტანი თორნიკე სიხარულიძე 24 ქულა. სამცხე/ჯავახეთი 3,4,5 კლასი ადიგენი ზარმის საჯარო სკოლა გუნდი ,,ტვინიკოსები” კაპიტანი ნინი იაკობიძე 51 ქულა. 6,7,8 კლასი ადიგენი უდის საჯარო სკოლა გუნდი ,,ძლიერნი” კაპიტანი საბა მაისურაძე 85 ქულა. 9,10,11,12 კლასი ადიგენი უდის საჯარო სკოლა გუნდი ,,ფენიქსი” კაპიტანი ანა მაისურაძე 71 ქულა. სამეგრელო 3,4,5 კლასი ზუგდიდი მე10 საჯარო სკოლა გუნდი ,,თეთრი რაში” კაპიტანი ანდრია ფიფია 58 ქულა. 6,7,8 კლასი ობუჯი, პირველი საჯარო სკოლა გუნდი ,,გრიფიტი” კაპიტანი ბარბარე მესხია 74 ქულა. 9,10,11,12 კლასი ფოთის პირველი საჯარო სკოლა გუნდი ,,ი”კაპიტანი  ალიკა გიჰკაშვილი 53 ქულა. კახეთი 3,4,5 კლასი ახმეტა დუისის საჯარო სკოლა გუნდი ,,ალფა’ მარია მარგოშვილი 52 ქულა. 6,7,8 კლასი სიღნაღი,ერის იმედის საჯარო სკოლა გუნდი ,,მებრძოლები”  კაპიტანი ნიკა თავართქილაძე 49 ქულა. 9,10,11,12 კლასი სიღნაღი ერის იმედის საჯარო სკოლა კაპიტანი საბა სიხარულიძე 77ქულა. ზემო სვანეთი 3,4,5 კლასი გუნდი ,,გენიოსები”53 ქულა. 6,7,8 კლასი მესტია მეორე საჯარო სკოლა გუნდი ,,კლდის ვეფხვი”  77 ქულა. 9,10,11,12 კლასი მესტია ლენჯერის პირველი საჯარო სკოლა გუნდი  ,,ფენიქსი” 57 ქულა. ქვემო სვანეთი ლეჩხუმი 3,4,5 კლასი ცაგერი ცაგერის საჯარო სკოლა გუნდი ,,მერცხლები” 47 ქულა. 6,7,8 კლასი ცაგერი ცაგერის საჯარო სკოლა გუნდი ,,ვარსკვლავთმრიცხველები” კაპიტანი თამარ გურგუჩიანი 70 ქულა. 9,10,11,12 კლასი ცაგერი ბარდნალის საჯარო სკოლა გუნდი ,,საბას ანგელოზები” 3 კომპანია ბრეინსი კიდევ ერთხელ მადლობას უხდის ყველა მასპინძელ დაწესებულებას გაწეული დახმარებისა და თანამშრომლობისთვის. ფინალი ფინალური ტური ტვინების ბრძოლის კულმინაცია ფინალური ტურია, რომელიც 17 დეკემბერს გაიმართა. ფინალამდე რამდენიმე დღით ადრე დაანონსდა წასაკითხი ლიტერატურა, საიდანაც ჩემპიონატზე სამივე ასაკობრივი კატეგორიისთვის ორი შეკითხვა გაჟღერდა. ფინალისტებმა ასაკობრივი კატეგორიების მიხედვით შემდეგი ლიტერატურა წაიკითხეს: 3,4,5 კლასი-,,უფლისწული და მათხოვარი” 6,7,8კლასი-,,წიგნის ქურდი” 9,10,11, 12 კლასი ,,ყვავილები ელჯერნონისთვის” ფინალურ ეტაპზე საქართველოს თითოეული რეგიონის საუკეთესო გუნდები საერთო ცხრილში გაერთიანდნენ. პარალელურ რეჟიმში თამაში ჩატარდა ოთხ ქალაქში თბილისში , ქუთაისში ბათუმსა და ზუგდიდში. თბილისში ფინალს თბილისის სახელმწიფო სახელმწიფო უნივერსიტეტმა უმასპინძლა. ქუთაისში ფინალი ტრადიციულად აკაკი წერეთლის სახელმწიფო უნივერსიტეტში გაიმართა. ზუგდიდში ტვინების ბრძოლის გუნდურ თამაშებში ჩემპიონატი ზუგდიდის ბოტანიკური ბაღში ჩატარდა. ბათუმში კი ფინალურ ტურს ბათუმის 25 საჯარო სკოლამ უმასპინძლა. ფინალურ ტურზე ქვეყნის მასშტაბით 345-მა წარმატებული შედეგის მქონე გუნდმა იასპარეზა. წესების თანახმად სამივე ასაკობრივ კატეგორიაში თითო პირველ ადგილოსანი გუნდი გამოვლინდა. აღსანიშნავია რომ დაძაბული ფინალური შერკინების მიუხედავად, ტვინების ბრძოლის 2023- ის შემოდგომის სეზონის ჩემპიონთა სამივე თასი ქუთაისში დარჩა. ჩემპიონები გახდნენ U5 - 3,4,5 კლასი ქუთაისი შპს ,,გოქაძის 1 სკოლა” გუნდი ,,ნაუტილუსი” კაპიტანი ანდრია ბიგვავა 69 ქულა. U8-6,7,8 კლასი ქუთაისი სსიპ - ანდრია რაზმაძის სახელობის ქალაქ ქუთაისის №41 ფიზიკა - მათემატიკის საჯარო სკოლა გუნდი ,,ჯვაროსნები” კაპიტანი აკაკი წიტაიშვილი-73 ქულა. U12- 9,10,11,12 კლასი ქუთაისი შპს ქართულ-ამერიკული სკოლა პროგრესი გუნდი ,,დანკინი დონატების გარეშე” კაპიტანი ალექსანდრე კუხიანიძე 85 ქულა. ფინალმა გამოავლინა ქვეყნის ჩემპიონი გუნდი, თითოეულ ასაკობრივ კატეგორიაში, მთავარი პრიზის პარალელურად, მათი საზეიმო დაჯილდოება სკოლებში საზეიმო ვითარებაში მოხდება. ფინალურ ეტაპზე ნაჩვენები შედეგების მიხედვით, შესაბამისი თანრიგის სერტიფიკატი გადაეცემათ იმ გუნდებს, რომლებმაც საუკეთესო ქულა მოიპოვეს საკუთარ რეგიონში. შედეგების ცხრილი დეტალურად შეგიძლიათ იხილოთ აქ: www.brains.ge/results #პრიზები გათამაშების მთავარი პრიზი გახლდათ “ინტელექტუალური ფესტივალის საგზური” - იგივე ტვინების ბრძოლის საზაფხულო ბანაკი, რომელიც წლებია სისტემატიურად იმართება და ტვინის ჭყლეტის მოყვარულ მოსწავლეთა თავშეყრის საუკეთესო ადგილია. Თუმცა აღსანიშნავია ის გარემოებაც, რომ საუკეთესო შედეგების მქონე ტვინიკოსების პარალელურად ინტელექტუალურ ბანაკში მოხვედრის შესაძლებლობა სხვა მსურველებსაც აქვთ, მათ ვისაც შემეცნებითი თამაშების სიყვარული და ინტერესი აერთიანებთ. კომპანიური კრედო ასევე გახლავთ სლოგანი ,,ყველა ქულა დაგიფასდება” რაც ნიშნავს იმას, რომ ფინალისტები მათი შედეგების მიხედვით ფესტივალის თანადაფინანსებას მიიღებენ.. მთავარი პრიზის პარალელურად წახალისების მიზნით, სხვადასხვა თანრიგის დიპლომით, სერტიფიკატითა და სიგელით დაჯილდოვდება ყველა ფინალისტი გუნდი და რეგიონულ პირველობაში საუკეთესო შედეგზე გასული გუნდები. შედეგების შეჯამებას კვლავ მადლობის ტექსტით დავასრულებთ, რომ არა ყველა ჩართული რგოლის კოორდინირებული თანამშრომლობა, ჩვენ არ გვექნებოდა საფუძველი გვესაუბრა სეზონის რეკორდულ შედეგებსა და მიღწევებზე. არსებული შედეგების მიუხედავად ჩვენ ვართ გუნდი, რომელიც ორიენტირებულია მუდმივ სიახლეებსა და განვითარებაზე. ბრეინსის მთავარი მიზანი და დღის წესრიგია კიდევ უფრო კრეატიული და საინტერესო პროექტები შემოგთავაზოთ, სადაც მთავარი ტრადიციულად იქნებით თქვენ. ბრეინსელი კი არის ყველა ვისაც აქვს ჩემპიონობის ამბიცია!

ტვინების ჭადრაკის ფინალური, შეხვედრა რეალურ გარემოში თბილისსა და ქუთაისში გაიმართება.მონაწილეები დაწყვილდებიან კენჭისყრის მეთოდით და ერთმანეთთან კონკურენციაში იქნებიან ასაკობრივი კატეგორიების მიხედვით. ჩემპიონატი სამ ასაკობრივ კატეგორიაში ჩატარდება: U3 (1-ლი, მე-2, მე-3 კლასის მოსწავლეები) U6 (მე-4, მე-5, მე-6, კლასის მოსწავლეები) U12 (მე-7, მე-8, მე-9, მ-10, მე-11, მე-12 კლასის მოსწავლეები) ზოგადი წესები ტურნირი ჩატარდება ფიდეს წესებით, 7 ტურად. სასტარტო სიისათვის კენჭისყრა გაიმართება კომპიუტერული პროგრამით - SwissManager,         კენჭისყრის შედეგები გამოქვეყნდება როგორც www.chess-results.com  (GEO) ასევე ჩვენს         საიტზე  www.brains.ge/results ჩემპიონატის სათამაშო დღის ხანგრძლივობა 3-4 საათი, შესვენებების ჩათვლით. ყოველ პარტიაზე თითოეულ მონაწილეს მიეცემა 10 წუთი, სვლაზე 5 წამის დამატებით. ტურნირზე დაიშვებიან 1-12 კლასის ის მოსწავლეები, რომლებმაც გადალახეს “ტვინების ჭადრაკის” საკვალიფიკაციო ეტაპი.(50% ბარიერი) ორი ან რამოდენიმე მონაწილის მიერ თანაბარი ოდენობის ქულების დაგროვების შემთხვევაში ადგილები განაწილდება: 1. პირადი შეხვედრა; 2. ბუჰგოლცი (ყველა მეტოქის ქულათა ჯამი); 3. მოგებების რაოდენობა; 4. შავებით ნათამაშები პარტიები. ჩატარების ადგილები და განრიგი: სამივე ასაკობრივი კატეგორიისთვის,( U3,U6,U12) თამაში დაიწყება 11:00 საათზეე ქუთაისი: ქალაქ ქუთაისის №2 საჯარო სკოლა,გ.ტაბიძის N58. თბილისი:გლდანი-ნაძალადევი 112- ე საჯარო სკოლა, ცოტნე დადიანის N28 სამ ასაკობრივ კატეგორიაში გამოვლინდებიან და დაჯილდოვდებიან რეგიონში პირველი სამი ადგილის მფლობელი მოჭადრაკეები. ჩემპიონებს ტიტულთან ერთად გადაეცემათ მთავარი პრიზი - საგზური ტვინების ბრძოლის საზაფხულო ბანაკში. ასევე, სიმბოლურ და წამახალისებელ პრიზებს მიიღებს ყველა ფინალისტი, რომელმაც შეჯიბრებაში კარგი შედეგი აჩვენა.

გთავაზობთ დაანონსებულ წიგნებს, ტვინების ბრძოლის რეგიონული ჩემპიონატისთვის, რომელიც 17 დეკემბერს გაიმართება. სტატიაში მოცემულია წიგნები ასაკობრივი კატეგორიების მიხედვით. წიგნებს დართული აქვს PDF ვერსია შეგახსენებთ "ტვინების ბრძოლის" თამაშებზე 2 შეკითხვა სწორედ დაანონსებული წიგნის თემატიკიდან გაჟღერდება. U5 ასაკობრივი კატეგორია: 3, 4, 5 კლასი მარკ ტვენი - უფლისწული და მათხოვარი მარკ ტვენი ყველა დროის მოზარდი მკითხველის საყვარელი ავტორია. ამ წიგნში წაიკითხავთ საოცრად შთამბეჭდავ ამბავს უფლისწულსა და მათხოვარზე. ეს ორი ცნობისმოყვარე ბიჭუნა გაჭრილი ვაშლივით ჰგავს ერთმანეთს, თუმცა, განსხვავებული საზოგადოებრივი სტატუსი აქვთ. ერთი მათგანი, ტომ კენტი, ლონდონის ჯურღმულებში მცოხვრები ღარიბი ბიჭია, მეორე, ედვარდ ტიუდორი კი – ტახტის მემკვიდრე. U8 ასაკობრივი გატეგორია: 6,7,8 კლასი მარკუს ზუზაკი - წიგნის ქურდი 1939, ნაცისტური გერმანია. ქვეყანა სუნთქვაშეკრულია. სიკვდილი ასეთი მოუცლელი არასოდეს ყოფილა. ცხრა წლის ლიზელი დედობილ-მამობილთან ერთად ჰიმელ-სტრიტზე ცხოვრობს, მისი მშობლები საკონცენტაციო ბანაკში გაგზავნერს. გოგონა წიგნებს იპარავს, კითხულობს და ბოლოს, თვითონ იწყებს წერას. ეს არის ამბავი ლიზელსა და მის მეზობლებზე. ეს ჰიმელ-სტრიტის დაბომბვის ისტორიაა. მარკუს ზუზაკი ავსტრალიელი მწერალია. მისი ოჯახი იქ ავსტრიის დატოვების შემდეგ დასახლდა. „წიგნის ქურდის“ მთავარი გმირის, ლიზელის დედობილ-მამობილის მსგავსად, ავტორის დედა გერმანელია, მამა მღებავად მუშაობდა. მთელი ბავშვობა მარკუსი მშობლებისგან ისმენდა საოცარ ამბებს ომზე, ნაცისტურ გერმანიაზე, მიუნხენის დაბომბვაზე, საკონცენტრაციო ბანაკებსა და იმ ებრაელ ტყვეებზე, რომლებსაც მიუნხენის მახლობლად მდებარე ბანაკამდე სანამ მიიყვანდნენ, ერთი პატარა ქალაქი ფეხით უნდა გაევლოთ – იმ ქალაქში მარკუსის დედა ცხოვრობდა. მოგვიანებით მწერალი იტყვის: „ბავშვობაში მოსმენილი ამბები მახსენებდა, საიდან ვარ და ვინ ვარ. ჩემი მშობლების განვლილი გზა, მათი მხნეობის მაგალითი და ბრძოლა გადარჩენისა და უკეთესი ცხოვრებისათვის წარმატების საფუძვლად მექცა. რა იქნებოდა თითოეული ჩვენგანი ისტორიის, წარსულის გარეშე“. ომის დროინდელი ბიოგრაფიები მარკუს ზუზაკმა თავის რომანებში გააცოცხლა. ახალგაზრდა მწერალი უკვე ექვსი რომანის ავტორია, მათ შორის ყველაზე ცნობილი და პოპულარული სწორედ „წიგნის ქურდია“. U12 ასაკობრივი გატეგორია: 9,10,11, 12 კლასი დენიელ კიზის ყვავილები ელჯერნონისთვის ყვავილები ელჯერნონისთვის - სპეციალური საჭიროების მქონე მამაკაცს, ჩარლის, ტვინზე ოპერაციას უკეთებენ, რომლის შემდეგაც მისი IQ 180ს უტოლდება და იგი გენიოსი ხდება. ჩარლის დღიურების სახით დაწერილ ნაწარმოებში მკითხველი თვალყურს ადევნებს მთავარი გმირის ტრანსფორმაციას და მის ეტაპობრივ სვლას გონებრივი განვითარების უმაღლესი საფეხურისკენ, აკვირდება მის გრძნობებს, დამოკიდებულებას სამყაროსთან.

ყველა ტვინიკოს, ჭადრაკის მოყვარულ მოსწავლეებს ვთავაზობთ მასშტაბურ საჭადრაკო ტურნირს. რატომ ჭადრაკი? ჭადრაკი 1400 წელია არსებობს და საინტერესოა, რატომ ითვლება ის დღემდე ერთ-ერთ უმნიშვნელოვანეს პედაგოგიურ ინსტრუმენტად სკოლებში, განსაკუთრებით ევროპისა და მსოფლიოს წამყვანი საგანმანათლებლო სისტემების მქონე ქვეყნებში. ჭადრაკი, როგორც სავალდებულო საგანი ქართულ საგანმანათლებლო სივრცეში მიმდინარე წელს დაინერგა. ჩვენი ორგანიზაცია გულშემატკვრობს და განსაკუთრებული ინტერესით აკვირდება სწავლების მიმდინარეობასა და თავისებურებებს. ტვინების ბრძოლა იწვევს 1-12 კლასის მოსწავლეებს "ტვინების ჭადრაკზე"  - თამაშის კლასიკური ვერსიისა და უახლესი ტექნოლოგიების კომბინაციით შექმნილ უნიკალურ ტურნირზე, რომელიც საქართველოს ჩემპიონებს გამოავლენს. ტვინების ჭადრაკი ორ ეტაპად გაიმართება! ​​ ჩემპიონატი სამ ასაკობრივ კატეგორიაში ჩატარდება: U3 (1-ლი, მე-2, მე-3 კლასის მოსწავლეები) U6 (მე-4, მე-5, მე-6, კლასის მოსწავლეები) U12 (მე-7, მე-8, მე-9, მ-10, მე-11, მე-12 კლასის მოსწავლეები) ​პირველი ეტაპი - შესარჩევი წერა: საჭადრაკო სპეც.ტესტი მოიცავს ,როგორც საჭადრაკო ელემენტებს , ასევე ზოგად ლოგიკურ შეკითხვებს, რომელიც "ტვინების ბრძოლის” ფორმატთან მჭიდრო კავშირშია. შეჯიბრი გაიმართება ონლაინ 22 დეკემბრის ჩათვლით,  Kahoot პლატფორმის გამოყენებით.  მონაწილეობის მისაღებად აუცილებელია რეგისტრაცია www.brains.ge/reg კონკურსის გასაგრძელებლად მონაწილემ უნდა გადალახოს 50%-იანი ბარიერი. წარმატებულ მონაწილეებს შორის ჩატარდება კენჭისყრა, რომლის მიხედვით დაკომპლექტდება წყვილი ფინალური ეტაპისთვის. ფინალი გაიმართება 24 დეკემბერს რეალურ გარემოში.განრიგი და მისამართები გამოქვეყნდება 20 დეკემბერს.

გთავაზობთ დაანონსებულ წიგნებს, ტვინების ბრძოლის რეგიონული ჩემპიონატისთვის, რომელიც 10 დეკემბერს გაიმართება. სტატიაში მოცემულია წიგნები ასაკობრივი კატეგორიების მიხედვით. წიგნებს დართული აქვს PDF ვერსია შეგახსენებთ "ტვინების ბრძოლის" თამაშებზე 2 შეკითხვა სწორედ დაანონსებული წიგნის თემატიკიდან გაჟღერდება U5 ასაკობრივი კატეგორია: 3, 4, 5 კლასი არჩილ სულაკაური - სალამურას თავგადასავალი ქონდარეთის ჯიუტმა და ძილისგუდა უფლისწულმა სიზმარში ნანახ ციცინათელების მწყემსთან თამაში მოინდომა. ღამის შიკრიკებმა ციცინათელების მზეთუნახავი მწყემსი მოიტაცეს და უფლისწულს მიჰგვარეს. მეგობრის გადასარჩენად სალამურამ ქვეყნიერება მოიარა და რა არ გადახდა თავს – ჯამბაზობაც ისწავლა და მუშტი-კრივიც… წაიკითხე ყველა დროის საუკეთესო ქართული ლიტერატურული ზღაპარი – არჩილ სულაკაურის „სალამურას თავგადასავალი“ – და უფრო მეტს შეიტყობ სიკეთესა და მეგობრობაზე. U8 ასაკობრივი გატეგორია: 6,7,8 კლასი ანტუან დე სენტ-ეგზიუპერის „პატარა პრინცი“ ანტუან დე სენტ-ეგზიუპერის „პატარა პრინცი“ ყველაზე პოპულარული ფრანგულენოვანი წიგნი და ყველა დროის ბესტსელერია, თავად ავტორი კი – საფრანგეთის რამდენიმე უმაღლესი ლიტერატურული ჯილდოს ლაურეატი. როგორც ცნობილია, ეგზიუპერი მეორე მსოფლიო ომის დასაწყისში სამხედრო პილოტად მსახურობდა და ამიტომ მიიჩნევენ, რომ მის ამ ალეგორიულ მოთხრობაში სწორედ საავიაციო გამოცდილებიდან მიღებული დეტალებია ჩართული. ნაწარმოების ნახევარზე მეტი ავტორის თავს გადამხდარი ისტორიებია, მათ შორის გულისამაჩუყებელი ამბავი მარტოობაზე, მეგობრობაზე, სიყვარულსა და სასოწარკვეთაზე, რასაც ის დედამიწაზე ჩამოვარდნილი პატარა პრინცის პირით ჰყვება. საფრანგეთში ანტუან დე სენტ-ეგზიუპერის ეს ნაწარმოები XX საუკუნის საუკეთესო წიგნად აღიარეს. იგი თარგმნილია 250-ზე მეტ ენასა და დიალექტზე, მათ შორის, ბრაილზეც. U12 ასაკობრივი გატეგორია: 9,10,11,12 კლასი რეი ბრედბერი - ბაბუაწვერას ღვინო "ბაბუაწვერას ღვინო" ეს სიტყვები ენაზე ზაფხულის გემოს ტოვებდა,თავად ღვინო კი შეყოვნებული და მოხუფული ზაფხული გახლდათ.1928 წ-ს ზაფხული დაგლას სპოლდინგისთვის სიცოცხლის მშვენიერებისა და წარმოავლობის შეცნობის ხანად იქცა.პატარა ქალაქის ცხოვრება,მისი კეთილი თუ უცნაური ბინადრები საინტერესო წარსულით-ბიჭისათვის ბავშვური განცდებისა და ემოციების წყაროა,რომელიც,შესაძლოა,დიდობაში აღარ განმეორდეს.დაგლასმა უკვე იცის,რომ სიცოცხლე მარადიული არ არის,რომ ერთ მშვენიერ დღესაც ბაბუა ვეღარ დააყენებს ბაბუაწვერას ღვინოს.