"1", "2" და "3" ზემო აჭყვას სკოლიდან :)

ზემო აჭყვას საჯარო სკოლამ ტვინების ბრძოლის შემოდგომის სეზონის შიდა სასკოლო ტურს უმასპინძლა. ღონისძიებამ, რომელიც მიზნად ისახავს მოსწავლეებში ლოგიკური აზროვნების, გუნდური სულისკვეთებისა და ზოგადი განათლების დონის ამაღლებას, სკოლის სხვადასხვა კლასის მოსწავლეები გააერთიანა.

შეჯიბრი სამ ასაკობრივ ჯგუფში - U5(მე-3, მე-4 და მე-5 კლასები), U8(მე-6, მე-7 და მე-8 კლასები) და U12(მე-6, მე-7 და მე-8 კლასები) კატეგორიებში წარიმართა. ჯამში, ზემო აჭყვას საჯარო სკოლის შიდა სასკოლო ტურში სამმა გუნდმა იასპარეზა. თამაში თითოეულ ასაკობრივ ჯგუფში დაძაბულად და საინტერესოდ წარიმართა. მონაწილეები დიდი ენთუზიაზმით პასუხობდნენ დასმულ შეკითხვებს და ცდილობდნენ საკუთარი გუნდისთვის მაქსიმალური ქულების მოპოვებას. 

ღონისძიების დასასრულს, გამარჯვებულ გუნდებს სიგელები გადაეცათ. ტურნირში მონაწილე ყველა მოსწავლეს “ტვინების ბრძოლის” შიდა სასკოლო ტურში მონაწილეობის დამადასტურებელი დიპლომი ელექტრონულად დაეგზავნება.

მადლობას ვუხდით სკოლის დირექტორს, მალხაზ ნატარიძეს და ტვინების ბრძოლის ორგანიზატორს, მარინე აბუსელიძეს, ჩვენთან თანამშრომლობისა და მოსწავლეთა ინტელექტუალურ განვითარებაში შეტანილი წვლილისთვის!

ზემო აჭყვას საჯარო სკოლის მოსწავლეებს კი წარმატებებს ვუსურვებთ ტვინების ბრძოლის შემოდგომის სეზონზე!

გაიცანით ზემო აჭყვას საჯარო სკოლის ტვინიკოსები: 

U5 კატეგორია: “1”, კაპიტანი - ნინი აბუსელიძე

U8 კატეგორია: “2”, კაპიტანი - მარიანა ბერიძე

U12 კატეგორია: “3”, კაპიტანი - ანდრია ცივაძე