ტყვირის სკოლის ვეფხვების ფორტუნა ოლიმპოზე :)

ტყვირის საჯარო სკოლამ ტვინების ბრძოლის შემოდგომის სეზონის შიდა სასკოლო ტურს უმასპინძლა. ღონისძიებამ, რომელიც მიზნად ისახავს მოსწავლეებში ლოგიკური აზროვნების, გუნდური სულისკვეთებისა და ზოგადი განათლების დონის ამაღლებას, სკოლის სხვადასხვა კლასის მოსწავლეები გააერთიანა.

შეჯიბრი სამ ასაკობრივ ჯგუფში: U5 (მე-3, მე-4 და მე-5 კლასები),  U8 (მე-6, მე-7 და მე-8 კლასები)  და U12 ( მე-9-12 კლასი) კატეგორიებში წარიმართა. ჯამში, ტყვირის საჯარო სკოლის შიდა სასკოლო ტურში ათმა გუნდმა იასპარეზა. თამაში თითოეულ ასაკობრივ ჯგუფში დაძაბულად და საინტერესოდ წარიმართა. მონაწილეები დიდი ენთუზიაზმით პასუხობდნენ დასმულ შეკითხვებს და ცდილობდნენ საკუთარი გუნდისთვის მაქსიმალური ქულების მოპოვებას. 

ინტელექტუალურ ბრძოლაში გამარჯვება შემდეგმა გუნდებმა მოიპოვეს:

U5 კატეგორია: “ვეფხვები”, კაპიტანი - ალექსი ტყვაცირია

U8 კატეგორია: “ოლიმპო”, კაპიტანი - მირიან მიგინეიშვილი

U12 კატეგორია: “ოლიმპო 2”, კაპიტანი - რატი ლასარეიშვილი

ღონისძიების დასასრულს, გამარჯვებულ გუნდებს სიგელები გადაეცათ. ტურნირში მონაწილე ყველა მოსწავლეს “ტვინების ბრძოლის” შიდა სასკოლო ტურში მონაწილეობის დამადასტურებელი დიპლომი ელექტრონულად დაეგზავნება.

მადლობას ვუხდით დირექტორს, ბატონ გია მიგინეიშვილს და ტვინების ბრძოლის ორგანიზატორს, ბატონ რაჟდენ მიქაძეს ჩვენთან თანამშრომლობისა და მოსწავლეთა ინტელექტუალური განვითარებაში შეტანილი წვლილისთვის!

ტყვირის საჯარო სკოლის მოსწავლეებს კი წარმატებებს ვუსურვებთ ტვინების ბრძოლის შემოდგომის სეზონზე!

კატეგორია	გუნდი	კაპიტანი	მე-2 წევრი	მე-3 წევრი	მე-4 წევრი	მე-5 წევრი
U5	არწივები	დაჩი ჯღარკავა	ნიკა ოთხოზორია	______________	_________	________
U5	ვეფხვები	ალექსი ტყვაცირია	მართა თედარაძე	სალომე კიკაბიძე	________	________
U5	ლომები	ვიკა ოთხოზორია	გაბრიელ გვალია	ლიზი ტალიკაძე	________	________
U8	მოზროვნე კლუბი	______________	_______________	______________	________	________
U8	ლიდერები	მედეა ცომაია	ნინი ტყვაცირია		________	________
U8	ოლიმპო	მირიანი მიგინეიშვილი	ანა მიგინეიშვილი	ნია ჩიტეიშვილი	________	________
U12	პატარა გიგანტები	ილია დასარეიშვილი	ანანო ნოდია	თემური ლასარეიშვილი	ელისაბედ მიგინეიშვილი	________
U12	ოლიმპო 2	რატი ლასარეიშივლი	მარი ტყვაცირია	______________	________	________
U12	ფორტუნა	თინათინ მიგინეიშვილი	ლევანი მიგინეიშვილი	ნიკა მიგინეიშვილი	________	________
U12	ოქროს ჯაჭვი	ლიზი მიგინეიშვილი	ანი მიქაძე	ნინო დუნდუა	ბადრი ვარვაქაძე	თედო თევდორაძე