თრიალეთის სკოლის "ალფა თაობა"

დაბა თრიალეთის საჯარო სკოლამ ტვინების ბრძოლის შემოდგომის სეზონის შიდა სასკოლო ტურს უმასპინძლა. ღონისძიებამ, რომელიც მიზნად ისახავს მოსწავლეებში ლოგიკური აზროვნების, გუნდური სულისკვეთებისა და ზოგადი განათლების დონის ამაღლებას, სკოლის სხვადასხვა კლასის მოსწავლეები გააერთიანა.

შეჯიბრი ორ ასაკობრივ ჯგუფში - U5(მე-3, მე-4 და მე-5 კლასები) და U8(მე-6, მე-7 და მე-8 კლასები) კატეგორიებში წარიმართა. ჯამში, დაბა თრიალეთის საჯარო სკოლის შიდა სასკოლო ტურში ოცდაერთმა გუნდმა იასპარეზა. თამაში თითოეულ ასაკობრივ ჯგუფში დაძაბულად და საინტერესოდ წარიმართა. მონაწილეები დიდი ენთუზიაზმით პასუხობდნენ დასმულ შეკითხვებს და ცდილობდნენ საკუთარი გუნდისთვის მაქსიმალური ქულების მოპოვებას. 

ინტელექტუალურ ბრძოლაში გამარჯვება შემდეგმა გუნდებმა მოიპოვეს:

U5 კატეგორია: “ქარიშხალა”, კაპიტანი - გიორგი ბოლქვაძე

U8 კატეგორია: “არწივები”, კაპიტანი - ანუკი ქათამაძე

ღონისძიების დასასრულს, გამარჯვებულ გუნდებს სიგელები გადაეცათ. ტურნირში მონაწილე ყველა მოსწავლეს “ტვინების ბრძოლის” შიდა სასკოლო ტურში მონაწილეობის დამადასტურებელი დიპლომი ელექტრონულად დაეგზავნება.

მადლობას ვუხდით დირექტორს და ტვინების ბრძოლის ორგანიზატორს — ქალბატონ რუსუდან ფუტკარაძეს, ჩვენთან თანამშრომლობისა და მოსწავლეთა ინტელექტუალური განვითარებაში შეტანილი წვლილისთვის!

დაბა თრიალეთის საჯარო სკოლის  მოსწავლეებს კი წარმატებებს ვუსურვებთ ტვინების ბრძოლის შემოდგომის სეზონზე!

გაიცანით დაბა თრიალეთის საჯარო  სკოლის ტვინიკოსები: 

კატეგორია	გუნდი	კაპიტანი	მე-2 წევრი	მე-3 წევრი	მე-4 წევრი	მე-5 წევრი
U5	ქარიშხალა	გიორგი ბოლქვაძე	მარი ქათამაძე	ნინი გიორგაძე	რუბენ არტენიან	კლიმენტი სტამატოვ
U5	მზე	ლაშა მგელაძე	გიგი ვაშაყმაძე	ემილია ესალდანი	მეგი გიორგაძე	მეგი შავაძე
U5	ლომები	ლაშა გორგაძე	ნუკრი მარკოიძე	შახრაია პირიევა	თამუნა მიქელაძე	ზორკინ არუტინიან
U8	არწივები	ანუკი ქათამაძე	სალომე ართმელაძე	ნიკა ვანაძე	დაჩი ანთაძე	საბა ბერიძე
U8	ალფა თაობა	რატი მარკოიძე	ნანა ანთაძე	სალომე გიორგაძე	თორნიკე ადაძე	რეზო შავაძე
U8	ბლექ მამბა	სოფო ართმელაძე	საბა გორგაძე	თორნიკე ცეცხლაძე	იდისე გიურჯიევი	ჯემალ ძირკვაძე