ქვიდიჩი კვირიკეს სკოლაში

კვირიკეს N1 საჯარო სკოლამ ტვინების ბრძოლის შემოდგომის სეზონის შიდა სასკოლო ტურს უმასპინძლა. ღონისძიებამ, რომელიც მიზნად ისახავს მოსწავლეებში ლოგიკური აზროვნების, გუნდური სულისკვეთებისა და ზოგადი განათლების დონის ამაღლებას, სკოლის სხვადასხვა კლასის მოსწავლეები გააერთიანა.

შეჯიბრი ორ ასაკობრივ ჯგუფში - U8(მე-6, მე-7, და მე-8 კლასები) და U12(მე-9, მე-10, მე-11 და მე-12 კლასები) კატეგორიებში წარიმართა. ჯამში, კვირიკეს N1 საჯარო სკოლის შიდა სასკოლო ტურში რვა გუნდმა იასპარეზა. თამაში თითოეულ ასაკობრივ ჯგუფში დაძაბულად და საინტერესოდ წარიმართა. მონაწილეები დიდი ენთუზიაზმით პასუხობდნენ დასმულ შეკითხვებს და ცდილობდნენ საკუთარი გუნდისთვის მაქსიმალური ქულების მოპოვებას. 

ინტელექტუალურ ბრძოლაში გამარჯვება შემდეგმა გუნდებმა მოიპოვეს:

U8 კატეგორია: “ლომები”, კაპიტანი - ნატალი ტაკიძე

U12 კატეგორია: “სნიჩი”, კაპიტანი - ლიზი მესხიძე

ღონისძიების დასასრულს, გამარჯვებულ გუნდებს სიგელები გადაეცათ. ტურნირში მონაწილე ყველა მოსწავლეს “ტვინების ბრძოლის” შიდა სასკოლო ტურში მონაწილეობის დამადასტურებელი დიპლომი ელექტრონულად დაეგზავნება.

მადლობას ვუხდით სკოლის დირექტორს, ნინო ხალვაშს და ტვინების ბრძოლის ორგანიზატორთა გუნდს, ჩვენთან თანამშრომლობისა და მოსწავლეთა ინტელექტუალური განვითარებაში შეტანილი წვლილისთვის!

კვირიკეს N1 საჯარო სკოლის მოსწავლეებს კი წარმატებებს ვუსურვებთ ტვინების ბრძოლის შემოდგომის სეზონზე!

გაიცანით კვირიკეს N1 საჯარო სკოლის ტვინიკოსები: 

კატეგორია	გუნდი	კაპიტანი	მე-2 წევრი	მე-3 წევრი	მე-4 წევრი	მე-5 წევრი
U8	ლომები	ნატალი ტაკიძე	თომა დუმბაძე	ანანო მესხიძე
U8	გენიოსი	ანიტა მესხიძე	მარი მესხიძე	საბა ვერულიძე	დიანა სვიატინა
U8	3 ვარსკვლავი	მათე ვერულიძე	ანა ვერულიძე	ნუცა ვერულიძე
U12	სნიჩი	ლიზი მესხიძე	ანანო ვერულიძე	თათული ვერულიძე	ხვიჩა ჯინჭარაძე	ზურა ჯინჭარაძე
U12	კინკიშა	გიორგი მესხიძე	ანრი ვერულიძე	გიგა ვერულიძე	რატი მესხიძე	ლიზი მესხიძე