ხცისის სკოლის ინტელექტუალები

ხცისის საჯარო სკოლამ ტვინების ბრძოლის შემოდგომის სეზონის შიდა სასკოლო ტურს უმასპინძლა. ღონისძიებამ, რომელიც მიზნად ისახავს მოსწავლეებში ლოგიკური აზროვნების, გუნდური სულისკვეთებისა და ზოგადი განათლების დონის ამაღლებას, სკოლის სხვადასხვა კლასის მოსწავლეები გააერთიანა.

შეჯიბრი ორ ასაკობრივ ჯგუფში - U8(მე-6, მე-7 და მე-8 კლასები) და U12(მე-9, მე-10, მე-11 და მე-12 კლასები) კატეგორიებში წარიმართა. ჯამში, ხცისის საჯარო სკოლის შიდა სასკოლო ტურში ხუთმა გუნდმა იასპარეზა. თამაში თითოეულ ასაკობრივ ჯგუფში დაძაბულად და საინტერესოდ წარიმართა. მონაწილეები დიდი ენთუზიაზმით პასუხობდნენ დასმულ შეკითხვებს და ცდილობდნენ საკუთარი გუნდისთვის მაქსიმალური ქულების მოპოვებას. 

ინტელექტუალურ ბრძოლაში გამარჯვება შემდეგმა გუნდებმა მოიპოვეს:

U8 კატეგორია:  “შევარდენი”, კაპიტანი - ნიკოლოზ ლომიძე

U12 კატეგორია: “ქართველნი”, კაპიტანი - ზურაბი

ღონისძიების დასასრულს, გამარჯვებულ გუნდებს სიგელები გადაეცათ. ტურნირში მონაწილე ყველა მოსწავლეს “ტვინების ბრძოლის” შიდა სასკოლო ტურში მონაწილეობის დამადასტურებელი დიპლომი ელექტრონულად დაეგზავნება.

მადლობას ვუხდით სკოლის დირექტორს, ლელა ქვრივიშვილს და ტვინების ბრძოლის ორგანიზატორს, მარიამ ლომიძეს, ჩვენთან თანამშრომლობისა და მოსწავლეთა ინტელექტუალური განვითარებაში შეტანილი წვლილისთვის!

ხცისის საჯარო სკოლის მოსწავლეებს კი წარმატებებს ვუსურვებთ ტვინების ბრძოლის შემოდგომის სეზონზე!

გაიცანით ხცისის  საჯარო სკოლის ტვინიკოსები: 

კატეგორია	გუნდი	კაპიტანი	მე-2 წევრი	მე-3 წევრი	მე-4 წევრი	მე-5 წევრი	სათადარიგო წევრი
U8	შევარდენი	ნიკოლოზ ლომიძე	ლიზი ლომიძე	მარიამ ძამანაშვილი	ზაზა ჯიქურაშვილი	სერგი გიორგაძე
U8	სამასი არაგველი	ბარბარე ეძგვერაძე	მარიამ გელაშვილი	საბა მაზიაშვილი	ნინი კვიჟინაძე	ლუკა ბურნაძე
U12	ქართველნი	ზურაბ	მარიამ თედოზაშვილი	მარიამ მაზიაშვილი	ლუკა ცინაძე	მარიამ ქელეხსაშვილი
U12	დავითიანნი	მარიამ ცნობილაძე	ნინი ტარიელაშვილი	ლუკა თედოზაშვილი	ლუკა ქოქოშვილი	გიორგი მაზიაშვილი
U12	ინტელექტუალი	ნინო დავითაძე	მარიამ მაზიაშვილი	თამუნა ქოქოშვილი	ანი ტარიელაშვილი	ლიზი ხიჯაკაძე	ამირან დოლიძე