გაუწყინარის სკოლის უწყინარი ინტელექტუალები

გაუწყინარის საჯარო სკოლამ ტვინების ბრძოლის შემოდგომის სეზონის შიდა სასკოლო ტურს უმასპინძლა. ღონისძიებამ, რომელიც მიზნად ისახავს მოსწავლეებში ლოგიკური აზროვნების, გუნდური სულისკვეთებისა და ზოგადი განათლების დონის ამაღლებას, სკოლის სხვადასხვა კლასის მოსწავლეები გააერთიანა.

შეჯიბრი ორ ასაკობრივ ჯგუფში - U5 (მე-3, მე-4 და მე-5 კლასები) და  U8 (მე-6, მე-7 და მე-8 კლასები) კატეგორიებში წარიმართა. ჯამში, გაუწყინარის საჯარო სკოლის შიდა სასკოლო ტურში ექვსმა გუნდმა იასპარეზა. თამაში თითოეულ ასაკობრივ ჯგუფში დაძაბულად და საინტერესოდ წარიმართა. მონაწილეები დიდი ენთუზიაზმით პასუხობდნენ დასმულ შეკითხვებს და ცდილობდნენ საკუთარი გუნდისთვის მაქსიმალური ქულების მოპოვებას. 

ინტელექტუალურ ბრძოლაში გამარჯვება შემდეგმა გუნდებმა მოიპოვეს:

U5 კატეგორია: “ქიმერიონი”, კაპიტანი - გაბრიელ ხაჟომია

U8 კატეგორია: “ფენიქსი”, კაპიტანი - საბა ვერულაშვილი

ღონისძიების დასასრულს, გამარჯვებულ გუნდებს სიგელები გადაეცათ. ტურნირში მონაწილე ყველა მოსწავლეს “ტვინების ბრძოლის” შიდა სასკოლო ტურში მონაწილეობის დამადასტურებელი დიპლომი ელექტრონულად დაეგზავნება.

მადლობას ვუხდით დირექტორს, ქალბატონ ნინო მეგენეიშვილს და ტვინების ბრძოლის ორგანიზატორს, ბატონ მერაბ თოფურიას ჩვენთან თანამშრომლობისა და მოსწავლეთა ინტელექტუალურ განვითარებაში შეტანილი წვლილისთვის!

გაუწყინარის საჯარო სკოლის მოსწავლეებს კი წარმატებებს ვუსურვებთ ტვინების ბრძოლის შემოდგომის სეზონზე!

გაიცანით გაუწყინარის სკოლის ტვინიკოსები:

კატეგორია	გუნდი	კაპიტანი	მე-2 წევრი	მე-3 წევრი	მე-4 წევრი	მე-5 წევრი
U5	ლომები	გაბრიელ ჯანაშია	ანამარია სურგულაძე	გაბრიელ მაკალათია	ანფრია ფუტკარაძე
U5	ქიმერიონი	გაბრიელ ხაჟომია	ლილე თურქია	მათე შალვაძე	ბარბარე მაკალათია
U8	ლოგიკოსები	თეკლა რურუა	ნინი თურქია	ელენე კუჭუხიძე	მათე შალამბერიძე	მარი თურქია
U8	ჩემპიონები	დავით შალამბერიძე	საბა გოდაშვილი	მარიამ შალამბერიძე	გიორგი სურგულაძე
U8	აისბერგი	ლიზი ლომიძე	ანდრია ჯანაშია
U8	ფენიქსი	საბა ვერულაშვილი	გიორგი	ბარბარე	ანამარია	რიტა