გაღმა დვაბზუს საჯარო სკოლა

გაღმა დვაბზუს საჯარო სკოლამ ტვინების ბრძოლის შემოდგომის სეზონის შიდა სასკოლო ტურს უმასპინძლა. ღონისძიებამ, რომელიც მიზნად ისახავს მოსწავლეებში ლოგიკური აზროვნების, გუნდური სულისკვეთებისა და ზოგადი განათლების დონის ამაღლებას, სკოლის სხვადასხვა კლასის მოსწავლეები გააერთიანა.

შეჯიბრი სამ ასაკობრივ ჯგუფში - U5(მე-3, მე-4 და მე-5 კლასები), U8(მე-6, მე-7 და მე-8 კლასები) და U12(მე-9, მე-10, მე-11 და მე-12 კლასები)  კატეგორიებში წარიმართა. ჯამში, გაღმა დვაბზუს საჯარო სკოლის შიდა სასკოლო ტურში სამმა გუნდმა იასპარეზა. თამაში თითოეულ ასაკობრივ ჯგუფში დაძაბულად და საინტერესოდ წარიმართა. მონაწილეები დიდი ენთუზიაზმით პასუხობდნენ დასმულ შეკითხვებს და ცდილობდნენ საკუთარი გუნდისთვის მაქსიმალური ქულების მოპოვებას. 

ღონისძიების დასასრულს, გამარჯვებულ გუნდებს სიგელები გადაეცათ. ტურნირში მონაწილე ყველა მოსწავლეს “ტვინების ბრძოლის” შიდა სასკოლო ტურში მონაწილეობის დამადასტურებელი დიპლომი ელექტრონულად დაეგზავნება.

მადლობას ვუხდით სკოლის დირექტორს, ციური გოგიბერიძეს და ტვინების ბრძოლის ორგანიზატორთა გუნდს, ჩვენთან თანამშრომლობისა და მოსწავლეთა ინტელექტუალურ განვითარებაში შეტანილი წვლილისთვის!

გაღმა დვაბზუს საჯარო სკოლის მოსწავლეებს კი წარმატებებს ვუსურვებთ ტვინების ბრძოლის შემოდგომის სეზონზე!

გაიცანით გაღმა დვაბზუს საჯარო სკოლის ტვინიკოსები: 

U5 კატეგორია: “გენიოსები”, კაპიტანი - ალიმერთ იორდანიძე

U8 კატეგორია: “დებუტანტები”, კაპიტანი - თეა ჯინჭარაძე

U12 კატეგორია: “შერეკილები”, კაპიტანი - აბუკა

კატეგორია	გუნდი	კაპიტანი	მე-2 წევრი	მე-3 წევრი	მე-4 წევრი	მე-5 წევრი	სათადარიგო წევრი
U5	გენიოსები	ალიმერთ იორდანიძე	ლუკა ახალაია	ნია ჯინჭარაძე	ანრი ირემაძე	ლაშა ართმელაძე
U8	დებუტანტები	თეა ჯინჭარაძე	საბა ბერიძე	ანა გორგაძე	ლიზი ხანთაძე	გიო ანთაძე	ბარბარე დოლიძე
U12	შერეკილები	აბუკა	ლიკა	მარი	ლუნა