საქართველოს ღია ჩემპიონატი გუნდულ ინტელექტუალურ თამაშში “ტვინების ბრძოლა” სამ ეტაპად გაიმართება!

პირველი ეტაპი:

“შიდა სასკოლო ჩემპიონატების” სერია:

პროექტში ჩართული კერძო და საჯარო სკოლები, “ტვინების ბრძოლის” საორგანიზაციო ჯგუფთან შეთანხმებული ფორმატით, ლოკალურად ატარებენ ტვინების ბრძოლის შიდა სასკოლო ჩემპიონატებს სამ ასაკობრივ კატეგორიაში.
გამარჯვებულ გუნდებს აჯილდოებს ბრეინს.ჯის ადმინისტრაცია ასევე საპრიზო ადგილზე გასულ გუნდებს გადაეცემათ, საქალაქო სკოლათაშორის ჩემპიონატზე ასპარეზობის უფლება - რომელიც ტარდება რეგიონალური მასშტაბით.

 

მეორე ეტაპი:

რეგიონალური ჩემპიონატები გაიმართება პარალელურ რეჟიმში, თითოეულ ლოკაციაზე შეკრებილი გუნდები უპასუხებენ იდენტურ შეკითხვებს, პირველადგილოსანი გუნდები მოიპოვებენ რეგიონის ჩემპიონის სტატუსს, რეგიონის მასშტაბით საუკეთესო 30% ში მოხვედრილ გუნდებს მიეცემათ შესაძლებლობა იასპარეზონ ფინალურ ეტაპზე.

 

რეგიონალურ ჩემპიონატზე ერთმანეთს დაუპირისპირდებიან:

 

აჭარა: ბათუმის, ქობულეთის, ხელვაჩაურის და ქედის სკოლის გუნდები.

გურია: ოზურგეთის, ლანჩხუთისა და ჩოხატაურის სკოლის გუნდები.

სამეგრელო: ზუგდიდის, ხობის წალენჯიხის ჩხოროწყუს სენაკის, მარტვილის, აბაშისა და ფოთის სკოლის გუნდები.

იმერეთი: ქუთაისის, წყალტუბოს, ბაღდათის, ვანის, სამტრედიის, ხონის, ზესტაფონის, თერჯოლის, ტყიბულის, საჩხერის, ჭიათურის და ხარაგაულის სკოლის გუნდები.

რაჭა-ლეჩხუმი და სვანეთი: ამბროლაურის, ცაგერის, ლენტეხისა და მესტიის სკოლის გუნდები.

შიდა ქართლი: გორის, კასპის, ქარელისა და ხაშურის სკოლის გუნდები. 

ქვემო ქართლი:  ქალაქ რუსთავის, ბოლნისისა და მარნეულის სკოლის გუნდები

სამცხე-ჯავახეთი: ახალციხის, ადიგენის ასპინძისა და ბორჯომის სკოლის გუნდები

მცხეთა-მთიანეთი: მცხეთის, დუშეთისა და თიანეთის სკოლის გუნდები

კახეთი: თელავის, გურჯაანის, ახმეტის, საგარეჯოს, ყვარლისა და ლაგოდეხის სკოლის გუნდები

თბილისი 1 გლდანი-ნაძალადევისა სკოლის გუნდები

თბილისი 2 დიდუბე-ჩუღურეთისა და ძველი თბილისის რაიონის სკოლის გუნდები

თბილისი 3 ისანი-სამგორის რაიონის სკოლის გუნდები

თბილისი 4 ვაკე-საბურთალოს რაიონის სკოლის გუნდები


მესამე ეტაპი:

ფინალი - ‘დისტანციური სუპერფინალი’  ჩატარდება სამ ლოკაციაზე: თბილისში ქუთაისსა და ბათუმში. სათამაშო მოედანზე შეკრებილი გუნდები გაერთიანდებიან საერთო ცხრილში.
შეკითხვები გაჟღერდება წინასწარ ჩაწერილი აუდიო ფორმატით, რაც გუნდებს თანაბარ პირობებში ასპარეზობის საშუალებას აძლევს.

 

ფინალი გამოავლენს ქვეყნის ჩემპიონ გუნდს სამივე ასაკობრივ კატეგორიაში.

სტუდენტური ლიგა

მიმდინარე, 2020 წლის გაზაფხულის სეზონზე, ტვინების ბრძოლის მასშტაბურ საქართველოს ჩემპიონატს, სადაც საქართველოს თითქმის ყველა კუთხის წარმატებული ახალგაზრდაა ჩართული, დაემატა ახალი ასაკობრივი კატეგორია უნივერსიტეტის სტუდენტებისთვის - სტუდენტური ლიგა.
ამრიგად, “ტვინების ბრძოლის” უმაღლეს ასაკობრივ კატეგორიაში ერთმანეთს დაუპირისპირდებიან თბილისსა და რეგიონებში არსებული  უნივერსიტეტების სახელით მოასპარეზე გუნდები.

 

თამაში გამოირჩევა ორიგინალური შეკითხვების პაკეტითა და აზარტული ქულათა სისტემით. ჩემპიონატი შედგება სამი ტურისგან, რომლებიც ტარდება შემდეგი პრინციპით:


თამაში I - შიდასაუნივერსიტეტო ტური
თამაში იმართება უნივერსიტეტში და კონკურენცია მიმდინარეობს უშუალოდ ამ უნივერსიტეტის სტუდენტებს შორის. თამაში 21 კითხვისაგან შედგება და მონაწილეობის მიღება უფასოა. გამარჯვებულ გუნდს გადაეცემა სიმბოლური პრიზი. მონაწილე გუნდებს ენიჭებათ რეგიონალურ ტურში ასპარეზობის კვალიფიკაცია. 

 

თამაში II - რეგიონული ტური
საქართველოს მასშტაბით დარეგისტრირებული გუნდები დისტანციურად უპირისპირდებიან 30-კითხვიან თამაშში, რომლიდანაც ფინალში გადადის საუკეთესო 30%. თამაშში მონაწილეობა ფასიანია. საპრიზო ადგილებზე (I, II, III) გასულ გუნდებს გადაეცემათ ტიტულის დამადასტურებელი თასი, სიგელი და  სხვადასხვა ფასიანი პრიზი.

 

თამაში III - ფინალი
საქართველოს მასშტაბით ფინალში გადასული გუნდები ერთმანეთს უპირისპირდებიან 30-კითხვიან თამაშში, საიდანაც საპრიზო ადგილებზე (I, II, III) გასულ გუნდებს გადაეცემათ ფულადი ჯილდო (საპრიზო ფონდი 1500 ლარი). საპრიზო სამეულის გარდა, დაჯილდოვდებიან საუკეთესო ათეულში მოხვედრილი სხვა გუნდებიც.  ფინალში ასპარეზობა უფასოა.

*სტუდენტური ლიგის შიდასაუნივერსიტეტო თამაშში მონაცვლეობით ჟღერდება სხვადასხვა სირთულის შეკითხვები, რომლებიც, შესაბამისად, ხუთი, ექვსი და შვიდი ქულით ფასდება.

თითოეული გამოცნობილი ხუთქულიანი შეკითხვისთვის, გუნდი მიიღებს დაფინანსებას 1 ლარის ოდენობით, თითოეული გამოცნობილი ექვსქულიანი შეკითხვისთვის - 2 ლარის ოდენობით, შვიდქულიანი შეკითხვისთვის - 3 ლარის ოდენობით. ამრიგად, რეგიონალურ ტურში მონაწილეობის გუნდურ საფასურს 85 ლარს გამოაკლდება გუნდის მიერ მოპოვებული დაფინანსება.

თამაშის წესები:

  • ერთი გუნდი შედგება ხუთი მონაწილისაგან.

  • გუნდების რაოდენობა ერთი სკოლიდან შეზღუდული არ არის.

  • თამაშში დაისმება სულ 15 კითხვა.(სტუდენტური ლიგა 30 კითხვა)) (მარტივი შეკითხვა = 5 ქულა; საშუალო = 6ქულა; რთული =7 ქულა.)

  • თითოეული თამაშის წინ ანონსდება წიგნი, საიდანაც თამაშზე გაჟღერებული იქნება 2 შეკთხთვა

  • რიგით N8 შეკითხვა არის “კაპიტნების ტური” - სადაც მხოლოდ ერთი მოთამაშე რჩება სათამაშო მაგიდასთან.

  • თითოეული შეკითხვაზე მოსაფიქრებელი დრო არის 90 წამი.

  • მოსაფიქრებელი დროის ამოწურვისთანავე, კაპიტანი ვალდებულია ჩააბაროს ფურცელზე დაწერილი გუნდის პასუხი.

  • გამარჯვებულია ის გუნდი რომელიც ყველაზე მეტ ქულას დააგროვებს.

  • Facebook - Black Circle
  • Twitter - Black Circle
  • YouTube - Black Circle

© 2019 Brains.ge

ძველი თბილისი თბილისი საქართველო