ტვინების ბრძოლის - საავტორო თამაში

18 დეკემბერს გეპატიჟებით ტვინების ბრძოლის შემაჯამებელ- საპრეზენტაციო თამაშზე, რომელიც განსაკუთრებული ანტურაჟითა და საზეიმო განწყობით გაიმართება.ღონისძიებაზე სკოლის ან უნივერსიტეტის სახელით მოასპარეზე გუნდებს საშუალება ექნებათ შემადგენლობაში დაიმატონ მასწავლებელი/ლექტორი (მშობელი ან სკოლის სხვა თანამშრომელი)

აღნიშნულ შეჯიბრში მონაწილეობით გვინდა პედაგოგებს გავუზიაროთ თამაშის პრაქტიკული გამოცდილება, რათა მომდევნო ჩემპიონატებში უკეთესი მენტორობა გაუწიონ საკუთარ მოსწავლეებს.

საპრეზენტაციო თამაშს სტანდარტულისგან განსვავებით დაემატება რუბრიკები: "მოწვეული სტუმარი" რომელიც გააჟღერებს შეკითხვას და მინი მასტერ კლასს შემოგვთავაზებს. გამოვლინდება სხვადასხვა სახალისო "ნომინაციაში" გამარჯვებული გუნდები.

თამაში გაიმართება ოთხ ქალაქში პარალელურ რეჟიმში:

• თბილისი: ალტე უნივერსიტეტი, უნივერსიტეტის ქუჩა #2;
• ზუგდიდი: ალექსანდრე ღურწკაიას საბუნებისმეტყველო გიმნაზია- GG, ცაიშვილის ქ. #32;
• ქუთაისი: აკაკი წერეთლის სახელმწიფო უნივერსიტეტი, თამარ მეფის ქ. #59;
• ბათუმი: ქართულ- ამერიკული აკადემია "პროგრესი", ვახტანგ შამილიძის #30;

განრიგი:

11:00 საათი - პირველი ასაკობრივი კატეგორია Junior - III, IV და V კლასი;

14:00 საათი - მეორე ასაკობრივი კატეგორია U8 - VI, VII და VIII კლასი;

17:00 საათი - ელიტ ლიგა და  მესამე ასაკობრივი კატეგორია U12 - IX, X, XI და XIIკლასი.

რეგისტრაცია 12 დეკემბრის ჩათვლით, :https://forms.gle/yYg35rzaxVitbuf96 

მიმდინარე ღონისძიება იქნება  ერთის მხრივ შემაჯამებელი ტვინების ბრძოლის შემოდგომის სეზონის სასკოლო პირველობისთვის ხოლო მეროეს მხრივ გახსნითი შეხვედრა სტუდენტთა ასაკობრივი კატეგორიისთვის: 

საუნივერსიტეტო ჩემპიონატი

ელიტ-ლიგა

ელიტ-ლიგა არის ტვინების ბრძოლის ახალი ასაკობრივი კატეგორია: რეგულარული თამაშების სერია, სადაც მონაწილეობის მიღება შეუძლია ნებისმიერ მსურველს სკოლის ასაკს ზემოთ. ელიტ-ლიგაში მოასპარეზე გუნდის დაკომპლექტება შესაძლებელია შეზღუდვების გარეშე (საჭირო არაა, გუნდის წევრები წარმოადგენდნენ ერთსა და იმავე საგანმანათლებლო დაწესებულებას/კომპანიას).

თამაშები, სადაც ერთმანეთს ტვინების ბრძოლის ვეტერანი მოთამაშეები და ახალი მოაზროვნეები შეხვდებიან, რამდენიმეკვირიანი ინტერვალით გაიმართება. ზამთრის სერია სტარტს ნოემბერში აიღებს და ორ ეტაპად ჩატარდება. პირველ ეტაპზე საქართველოს უნივერსიტეტებში ჩატარდება შიდა უფასო თამაშები, სადაც ნაჩვენები შედეგების მიხედვით გუნდები კვალიფიცირდებიან მეორე ეტაპის დივიზიონებისთვის. მეორე ეტაპში გუნდები განაწილდებიან ორ დივიზიონში (I და II), ხოლო ყოველი ტურის შემდეგ ნაჩვენები შედეგების მიხედვით აღზევდებიან, დაქვეითდებიან ან შეინარჩუნებენ ადგილს. მეორე ეტაპზე გაიმართება ოთხი ოფიციალური ტური. სეზონის ბოლოს თითოეული დივიზიონის გამარჯვებული გუნდი მიიღებს ფულად ჯილდოს ჩვენი კომპანიისგან და სხვადასხვა ფასიან პრიზს ჩვენი სპონსორებისგან.

წესები:

• გუნდი შედგება არაუმეტეს ხუთი მოაზროვნისგან.
• თამაშში მონაცვლეობით გაჟღერდება 5,6 და 7-ქულიანი შეკითხვები. შიდასაუნივერსიტეტო ტური შედგება 18 შეკითხვისგან, მეორე ეტაპის ოფიციალური ტური - 21 შეკითხვისგან.
• რიგით N11 შეკითხვა არის ბლიც-რაუნდი, სადაც მხოლოდ ერთი მოთამაშე რჩება სათამაშო მაგიდასთან.
• თითოეული შეკითხვაზე მოსაფიქრებელი დრო არის 90 წამი.
• სავალდებულოა, კაპიტანს დროის ამოწურვისას პასუხების ფურცელი აწეული ჰქონდეს; დროის ამოწურვის შემდეგ აწეული ფურცელი არ ბარდება.
• გუნდს, რომელიც ტურს გამოტოვებს, ჩაეთვლება ტურში დაფიქსირებული მინიმალური შედეგის ტოლფასი ქულა.