ჯადოსნური ჰაკათონის ფინალი

საახალწლო ჰაკათონი მონაწილეებს საშუალებას აძლევს გამოიმუშაონ თვითშემეცნების უნარი, ფაქტობრივი ცოდნისა და ლოგიკური აზროვნების ინტეგრირებით, თავი გაართვან ნებისმიერი სახის დავალებას, როგორც ჰაკათონის ფარგლებში, ასევე ცხოვრებაში.

ჰაკათონში მონაწილეობა შეუძლიათ მეორე - მეთორმეტე კლასის მოსწავლეებს, ინდივიდუალურად. პროექტი ტარდება ონლაინ.

ონლაინ ქვიზი დაფუძნებულია ლოგიკურ აზროვნებაზე და ითვალისწინებს ოთხი საგნის თემატიკას: ქართული ენა და ლიტერატურა, ინგლისური ენა, მათემატიკა და ზოგადი განათლება (შეიცავს რობოტიკის, ჭადრაკის ელემენტებს).

თითოეული დავალების დაძლევა მონაწილეს შეეძლება ამოხსნის ალტერნატიული გზებით. მაგალითად, თუ მონაწილემ არ იცის პასუხი ფაქტობრივ ლიტერატურულ შეკითხვაზე, ამ პასუხამდე მისვლა შეეძლება საინტერესო მინიშნებებით, მათემატიკური მაგალითებით, თუ ლოგიკური აზროვნებით.

საახალწლო ჰაკათონი 3 ეტაპიანია: I საკვალიფიკაციო ეტაპი გაიმართება ონლაინ 13-25 დეკემბრის შუალედში, მონაწილის მიერ რეგისტრაციის დროს: www.brains.ge/online დამოუკიდებლად არჩეულ დროს. 

 წერისათვის განკუთვნილი დრო არის 60 წუთი. 

 ქვიზში სხვადასხვა სირთულისა და სპეციფიკის 5 დავალებაა 

 სირთულის მიხედვით, დავალებები ფასდება სხვადასხვა ქულით 

 მაქსიმალური ქულაა 100 

 მონაწილე ქულათა 30%-ის (30 და მეტი ქულა) გადალახვის შემთხვევაში მოიპოვებს რეგიონულ ჩემპიონატში ასპარეზობის უფლებას 

 წარმატებულ მონაწილეებს გადაეცემათ ონლაინ სერტიფიკატები.  

II ეტაპი მოიაზრებს რეგიონალური პირველობას, სადაც მონაწილეები ერთმანეთთან კონკურენციაში არიან რეგიონების მიხედვით. ტური გაიმართება 31 დეკემბერს, მონაწილეობა შეეძლებათ ბარიერგადალახულ მოსწავლეებს სურვილისამებრ. ეტაპი კვლავ ონლაინ გაიმართება, მონაწილეებს ჩაერთვებათ წამყვანი Zoom პლატფორმის საშუალებით. რეგიონალურ ასპარეზობაში ჩართვის საფასური 35 ლარია. 

 რეგიონალური ქვიზი 100 ქულიანია 

 დავალების წერისათვის განკუთვნილი დრო არის 90 წუთი 

 დავალებები მოცემული იქნება როგორც ღია, ასევე დახურული (ტესტური) სახით.

III ფინალურ ეტაპზე იასპარებენ რეგიონალურ ტურში საპრიზო ადგილებზე (I, II, III) გასული მონაწილეები. გამარჯვებულები გამოვლინდებიან კლასების მიხედვით და დაჯილდოვდებიან, როგორც საუკეთესო ქულის მქონე მოსწავლეები, ასევე ის მონაწილეები, რომლებმაც უმაღლესი შედეგი აჩვენეს ცალკეულ კატეგორიაში (მათემატიკა; ინგლისური; ქართული; ზოგადი განათლება). მონაწილეებს გადაეცემათ ონლაინ სერტიფიკატები, გამარჯვებულები კი მოიპოვებენ ტვინების ბრძოლის ბანაკის საგზურს, დაფინანსებასა და პრიზებს ჩვენი პარტნიორი კომპანიებისგან.

მონაწილეობის მიღებისთვის აუცილებელია: 

1) საკვალიფიკაციო ტესტის დაძლევა 13-25 დეკემბრის შუალედში

2) რეგისტრაცია მისამართზე https://www.brains.ge/register და ადგილის დარეზერვება.

შეკითხვების შემთხვევაში მოგვმართეთ ცხელ ხაზზე: 032 2121250